राष्ट्रवादीच्या संभाव्य मंत्रिमंडळात दिसू शकतात ‘हे’ चेहरे, सुनील शेळके आणि संग्राम जगताप..

शपथविधी सोहळ्यात अजित पवार हे उपमुख्यमंत्रीपदाची शपथ घेतील हे स्पष्ट आहे. आता राष्ट्रवादीच्या संभाव्य मंत्रिमंडळाची यादी पुढे येताना दिसतंय. छगन भुजबळ, धनंजय मुंडे, आदिती तटकरे यांचे मंत्रीपदे कायम राहणार आहेत. नरहरी झिरवाळ, संजय बनसोडे, संग्राम जगताप, सुनील शेळके, इंद्रनील नाईक, दत्ता भरणे, अनिल पाटील यांचीही नावे मंत्रीपदासाठी चर्चेत आहेत. अजित पवार यांच्याकडे अर्थ खाते असण्याची शक्यता आहे.
Sanjay Raut : एकनाथ शिंदे यांचा गृहमंत्रिपदासाठी अट्टहास कशासाठी? संजय राऊतांनी एका वाक्यात सांगितलंआता मंत्रीपदाची माळ नक्की कोणाच्या गळ्यात पडते हे पाहण्यासारखे ठरणार आहे. महायुतीच्या नेत्यांची बैठक आज किंवा उद्या होण्याची शक्यता आहे. शपथविधीच्या अगोदरील या बैठकीला महत्व आले. भाजपा, शिवसेना आणि राष्ट्रवादीच्या वाट्याला नेमकी किती मंत्रीपदे येतात, हे आता स्पष्ट होईल. या विधानसभेच्या निवडणुकीमध्ये अजित पवार यांच्या राष्ट्रवादीने चांगली कामगिरी केलीये.

सुनील शेळके यांनी मावळमधून निवडणूक लढवली. मोठ्या मत्ताधिक्याने ते निवडून आले. सुनील शेळके आणि संग्राम जगताप यांची मंत्रीपदावर वर्णी लागू शकते, अशी चर्चा आहे. सुनील शेळके यांनी अनेक वर्ष भाजपा युवा मोर्चामध्ये काम केले. त्यांनी विधानसभेची निवडणूक ही राष्ट्रवादीकडून लढवली. यासोबतच अजून काही नावे मंत्रीपदासाठी चर्चेत असल्याचे बघायला मिळतंय. भाजपाकडूनही अनेकजण मंत्रीपदासाठी इच्छुक आहेत.