ज्या घराची सुरक्षा करायचा, त्याच घरात पोटच्या लेकरांचा घात झाला, भाऊ-बहिणीचा पाण्यात बुडून अंत

By tejpolicetimes On Dec 4, 2024

Nandurbar Brother and Sister Drowned in Water: राजेश्वरी चंद्रसिंग पावरा (वय ७ वर्ष) आणि शंकर पावरा (वय ५ वर्ष) या दोन मुलांचा पाण्यात बुडून मृत्यू झाला आहे. पोलीस अधीक्षकांसह वरिष्ठ पोलीस अधिकारी घटनास्थळावर दाखल झाले होते.

हायलाइट्स:
घराच्या पाण्याच्या टाकीत पडून दुर्दैवी मृत्यू
दोन्ही भाऊ-बहिणीचा बुडून मृत्यू
नंदुरबारमधील हृदयद्रावक घटना

Lipi

भाऊ बहिणीचा पाण्यात बुडून मृत्यू

नंदुरबार : नंदुरबार शहरातील जगतापवाडी परिसरात असलेल्या द्वारका नगर परिसरात सुरू असलेल्या घराच्या बांधकामावर रखवालदारीचे काम करणाऱ्या रखवालदाराच्या दोन मुलांचा मृत्यू झाला आहे. बांधकाम सुरू असलेल्या घराच्या पाण्याच्या टाकीत पडून दुर्दैवी मृत्यू झाल्याची घटना समोर आली आहे. काल सकाळपासून ही मुलं बेपत्ता होती, या मुलांचा पोलीस शोध सुरु होता. त्यानंतर नंदुरबार शहर पोलीस स्टेशनला बेपत्ता असल्याची तक्रार करण्यात आली होती. दुपारपासूनच पोलीस यंत्रणा संपूर्ण शहरात या मुलांचा शोध घेत होते. आज सकाळी घराच्या बांधकाम कामासाठी बांधलेल्या पाण्याच्या टाकीतच या मुलांचे मृतदेह तरंगताना दिसून आल्यातनंतर नागरिकांनी गर्दी केली. घटनास्थळी पोलीस दलाचे वरिष्ठ अधिकाऱ्यांनी भेटी दिल्या असून स्वतः पोलीस अधीक्षक श्रावण दत्त एस हे घटनास्थळावर पाहणी करण्यासाठी आले होते. दोन्ही मुलांचे मृतदेह शवइच्छेदनासाठी नंदुरबार जिल्हा रुग्णालयात पाठविण्यात आले आहेत. घटना उघड झाल्यानंतर मयत मुलांच्या आई वडिलांनी एकच आक्रोश केल्याने उपस्थितांचे डोळे पाणवले होते. राजेश्वरी चंद्रसिंग पावरा (वय ७ वर्ष) आणि शंकर पावरा (वय ५ वर्ष) असं मयत चिमुकल्यांचे नाव आहेत.

लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा

Source link