Tej Police Times
सामान्यतः भेंडी ही हिरव्या रंगाची असते हे सर्वांनाच माहित आहे. परंतु यावर्षी बारामतीतील कृषी प्रदर्शनामध्ये असलेली लाल भेंडी सर्वांच्याच आकर्षणाचा केंद्रबिंदू ठरली आहे. बारामतीत सुरू असलेल्या कृषी प्रदर्शनात एडवंटा या कंपनीने देशात पहिल्यांदाच लाल भेंडीचे उत्पादन करणारा पथदर्शी प्रयोग सादर केला आहे. हा प्रयोग सध्या राज्यभरातील शेतकऱ्यांच्या आकर्षणाचा केंद्रबिंदू ठरला आहे.
महागाईच्या तेलात तडतडले ‘जिरे’; साडेचारशे रुपये किलोपर्यंत दर
पारंपारिक हिरव्या भेंडीपेक्षा या भेंडीला बाजारातही उठाव चांगला मिळणार असल्याचा दावा कृषी अभ्यासक व्यक्त करत आहेत. दुसरीकडे या भेंडीचे हेक्टरी आठ ते बारा टन एवढे उत्पादन मिळत असल्याचा दावा कंपनीच्या सूत्रांनी केला.या भेंडीमुळे शेतकऱ्यांच्या उत्पन्नात भरीव फरक पडेल अशी अपेक्षा शेतकऱ्यांनी व्यक्त केली आहे. दरम्यान आज पर्यंत पाहिलेल्या भेंडी पेक्षा वेगळी भेंडी दिसत असल्याने या प्रदर्शनातील भेंडीच्या प्रात्यक्षिकाला राज्यभरातील शेतकरी भेट देत आहेत.
सोयाबीन चोरल्याचा संशय, पाईपने जनावरासारखी मारहाण; VIDEO पाहून अनेकांच्या काळजाचं पाणी पाणी
लाल भेंडींची वैशिष्ट्ये काय?
* पारंपारिक भेंडीचे पीक थंडीत येत नाही. मात्र, लाल भेंडीचे उत्पादन थंडीत आले आहे.
* सामान्य भेंडीवर पडणारा एलोवेन मोझॅक नावाचा रोग लाल भेंडीला होत नाही.
* लाल भेंडीत पॉलीक ऍसिड, लोह ,फायबर चे प्रमाण अधिक
* पारंपारिक भेंडीत न आढळणारे विटामिन ए जीवनसत्व लाल भेंडीत मिळते.
* सामान्य भेंडीपेक्षा लाल भेंडीला सत्तर ते शंभर रुपये भाव मिळतो.
* लाल भेंडी गरोदर महिलांच्या शरीरातील लोहाचे प्रमाण भरून काढते.
* पचनक्रिया क्रिया सुधारण्यास लाल भेंडी उपयुक्त