Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
टाटा मॅजिकचा भीषण अपघात, उभ्या ट्रॉलीला जबर धडक; एकाने जागेवर प्राण सोडला
मिळालेल्या माहितीनुसार, एपी.१५ टिव्ही १३७५ क्रमांकाची टाटा मॅजिक वाहन सोमनुर येथून सिरोंचाकडे प्रवासी घेऊन निघाली होती. ही टाटा मॅजिक सिरोंचा तालुका मुख्यालयापासून ९ किलोमीटर अंतरावर असलेल्या लंबडपल्ली गावाजवळ येताच राष्ट्रीय महामार्गावर रस्त्याच्या कडेला उभ्या ट्रॅक्टर ट्रॉलीला जबर धडक दिली. या भीषण अपघातात एकजण जागीच ठार झाला आहे. अपघाताची माहिती मिळताच जखमींना तात्काळ रुग्णवाहिकेने सिरोंचा येथील ग्रामीण रुग्णालयात दाखल करण्यात आले. त्यातील तिघांची प्रकृती चिंताजनक असल्याने त्यांना पुढील उपचारासाठी तेलंगणा राज्यात नेण्यात आलं आहे.
अंगावर चिठ्ठी फेकली, नंबर दिलाय फोन कर, भाव देत नसल्याचं पाहून पाठलाग केला अन् नंतर….
संबंधित वाहन नेमकं कोणाचं आहे? याची माहिती अद्याप मिळू शकलेली नाही. मात्र, सोमनुर येथून सिरोंचाकडे प्रवासी घेऊन येत असल्याची माहिती समोर येत आहे. त्यात सिरोंचा तालुक्यातील सोमणुर, सोमनपल्ली, आसरअली येथील प्रवासी तसेच वाहन चालक असे पाच ते सहा जण असल्याची माहिती मिळाली आहे.
सदर अपघात जगदलपुर राष्ट्रीय महामार्ग क्रमांक ६३ वरील लंबडपल्ली गावाजवळ झाला असून याची माहिती मिळताच गावकऱ्यांनी रुग्णवाहिका बोलावून सर्वांना सिरोंचा येथील ग्रामीण रुग्णालयात नेण्यात आलं. परंतु त्यातील तिघांची प्रकृती चिंताजनक असल्याने त्यांना लगतच्या तेलंगणा राज्यात हलविण्यात आले आहे. या घटनेचा पुढील तपास सिरोंचा पोलीस करत आहेत.
सोयाबीनच्या दरावर केंद्राच्या धोरणाचा प्रभाव कायम, शेतकऱ्यांची पिवळ्या सोन्याला झळाळी मिळण्याची अपेक्षा