अंगावर चिठ्ठी फेकली, नंबर दिलाय फोन कर, भाव देत नसल्याचं पाहून पाठलाग केला अन् नंतर….

अमरावती : मागील काही दिवसांत जिल्ह्यातील ग्रामीण भागामध्ये सुमारे पाच अल्पवयीन मुलींची छेड काढल्याप्रकरणी गुन्हे दाखल करण्यात आले आहेत. असाच एक वनसाईड अट्रॅक्शन व शहरी रोडरोमियोंनी घातलेल्या हैदोसाचा प्रकार अंजनगाव सुर्जी तालुक्यातील एका महाविद्यालयात स्नेहसंमेलनादरम्यान समोर आला. अल्पवयीन मुलीला चिठ्ठी देऊन त्यातून फोन कॉल करण्याचा मेसेज देत एका युवकाने मुलीची काढली.

याप्रकरणी रहिमापूर पोलिसांनी तिघांविरुद्ध गुन्हा दाखल केला. शेख रेहान शेख हाफिज (२०, रा. नवगाजी प्लॉट, अंजनगाव सुर्जी) सय्यद जुनेद सय्यद अहमद (२१, रा. अंजनगाव तहसीलजवळ) व पप्पू खान अशी गुन्हा दाखल करण्यात आलेल्या मजनू आरोपींची नावे आहेत. यातील दोघांना अटक करण्यात आली असून पप्पू खान हा फरार झाला आहे.

१५ वर्षीय विद्यार्थिनीच्या तक्रारीनुसार, अंजनगाव सुर्जी तालुक्यातील एका गावातील शाळेमध्ये २३ जानेवारीपासून स्नेहसंमेलन होते. त्यामुळे तेथील विद्यार्थिनी असलेली ती मुलगी मैत्रिणींसह नृत्य बघत होती. दरम्यान तेथे तीन आरोपी मुले आले. त्या दोन्ही मुलींकडे एकटक बघत, त्यांनी तिची छेड काढली. त्यानंतर ते तिघे रोज त्या मुलीच्या शाळेत येऊ लागले. पीडिताकडे बघून अश्लील इशारे करत होते.

स्नेसंमेलन दरम्यान १५ वर्षीय मुलगी शाळेतील ध्वजारोहण कार्यक्रमानंतर सकाळी ११.३० च्या सुमारास मैत्रिणीसह क्रीडांगणावर बसली होती. दरम्यान, एक मुलगा तेथे आला. त्याने मुलीच्या हातात एक चिठ्ठी दिली. रस्त्याकडे हात दाखवून ती चिठ्ठी तिच्याकडे फेकली. त्यातील नंबरवर फोन करण्यास सांगितल्याचा निरोप त्याने दिला. मुलगी संतापली आणि तिने ती चिट्ठी फाडली.

त्या तीन मुलांकडे तिने रागाने कटाक्ष टाकला. आम्हाला तुझ्यासोबत मैत्री अन् मैत्री करायचे आहे, आमच्यासोबत येतेस का? अशी विचारणा त्यांनी केली. त्यामुळे घाबरून दोघी मैत्रिणी तिथून निघून गेल्या. त्या तिघांनी त्यांचा पाठलाग केला. पण दोघी मैत्रिणींनी धावतच घर गाठलं. घरी गेल्यानंतर ही बाब त्यांनी कुटुंबीयांना सांगितली. त्यानंतर कुटुंबियांनी पोलिसांत तक्रार दाखल केली आहे.