अभिनेत्रीने शिक्षणासाठी सोडलं बॉलिवूड, आज गुगलमध्ये मोठ्या पदावर कार्यरत

मयूरीने ९०च्या दशकात बॉलिवूडमध्ये करिअर सुरू केलं होतं. १९९५ मध्ये ‘नसीब’ सिनेमातून तिने डेब्यू केला होता. मयूरीला महेश भट्ट यांच्या ‘पापा कहते है’ सिनेमातून मोठी पसंती मिळाली. या सिनेमातील ‘घर से निकलते ही कुछ दूर चलते ही’ हे गाणं सुपरहिट ठरलं होतं.

हेही वाचा – करिश्मा कपूरने सिनेमात काम करण्यासाठी शिक्षण सोडलं, कपूर कुटुंबाची परंपरा मोडत केलेला बॉलिवूड डेब्यू

तिने सैफ अली खान आणि करीना कपूरसह ‘कुर्बान’, संजय दत्त, शिल्पा शेट्टी आणि जॅकी श्रॉफ यांच्यासोबत ‘जंग’, बॉबी देओल आणि राणी मुखर्जीसह ‘बादल’ सिनेमातही काम केलं आहे. शेवटची ती २००१ मध्ये आलेल्या ‘जीतेंगे हम’ सिनेमात दिसली होती.

मयूरीने २००३ मध्ये आदित्य ढिल्लोसह लग्न केलं आणि अमेरिकेत स्थायिक झाली. न्यूयॉर्कमधून तिने एमबीए केलं. २००४ ते २०१२ पर्यंत ती अमेरिकेत होती. त्यानंतर २०१२ मध्ये ती भारतात आली. तिने भारतातच आपलं करिअर करण्याचा निर्णय घेतला आणि आज ती गुगलमध्ये इंडस्ट्री हेड पदावर कार्यरत आहे.

हेही वाचा – शाहरुखने सांगितला ५००० हरवल्याचा किस्सा, फकीरने सांगितलेली ती गोष्ट अखेर खरी ठरली; जुना Video होतोय व्हायरल

बॉलिवूडमध्ये अभिनेत्रीचं करिअर जवळपास १० वर्ष असतं. त्यामुळे त्यांच्याकडे बॅकअप प्लॅन असणं गरजेचं आहे. मी कधीही शिक्षण सोडलं नाही म्हणूनच करिअरच्या या टप्प्यावर असल्याचं ती म्हणते. बॉलिवूडमध्ये येताना आधी शिक्षण पूर्ण करणं गरजेचं आहे त्यानंतरच बॉलिवूडमध्ये एन्ट्री करण्याचं ती सांगते.