Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
भाजप नेत्याचा पाठिंबा मिळताच सत्यजीत तांबेंचं सूचक वक्तव्य, विजयाचा १०० टक्के कॉन्फिडन्स
Nashik graduates constituency Election | तांबे पितापुत्रांनी ऐनवेळी घेतलेल्या निर्णयामुळे नाशिक पदवीधर मतदारसंघाची निवडणूक चर्चेत आहे. या निवडणुकीत सत्यजीत तांबे यांनी भाजपसह सर्व राजकीय पक्षांचा पाठिंबा मागितला होता. भाजपने काल रात्रीपर्यंत त्यांना अधिकृतरित्या पाठिंबा जाहीर केला नव्हता. पण अखेरच्या क्षणी भाजप नेते राधाकृष्ण विखे-पाटील यांनी आपली ताकद सत्यजीत तांबे यांच्या पाठिशी उभी केली होती.
हायलाइट्स:
- माझ्या कुटुंबाला आरोपीच्या पिंजऱ्यात उभं करणाऱ्यांना योग्यवेळी प्रत्युत्तर देईन
- इतकी वर्षे काँग्रेसमध्ये असल्याने प्रत्युत्तर दिले नाही
- मी अपक्ष उमेदवारी अर्ज भरलाच नव्हता
यावेळी त्यांनी काँग्रेसमधील काही नेत्यांना अप्रत्यक्षपणे इशाराही दिला. मी अपक्ष उमेदवार आहे, भविष्यातही मी अपक्षच राहीन. मात्र, गेल्या काही दिवासंमध्ये माझ्या परिवाराला आरोपीच्या पिंजऱ्यात उभे करण्याचा प्रयत्न झाला. आम्ही इतकी वर्षे काँग्रेस पक्षात असल्यामुळे या सगळ्यावर प्रतिक्रिया किंवा प्रत्युत्तर दिले नाही. पण मी अपक्ष उमेदवारी अर्ज भरला ही माहिती चुकीची आहे. मी फॉर्म भरताना काँग्रेसचा उमेदवार म्हणूनच अर्ज भरला होता. तीन वाजेपर्यंत मला एबी फॉर्म मिळाला नाही. त्यामुळे माझा फॉर्म अपक्ष म्हणून कन्व्हर्ट झाला. त्यामुळे मी अपक्ष उमेदवारी अर्ज भरल्याच्या बातम्या खोट्या आहेत. कोरा एबी फॉर्म देऊनही सत्यजीत तांबे यांनी अपक्ष उमेवारी अर्ज भरला, हा प्रचार खोटा आहे. काँग्रेसमधील काही नेते अर्धसत्य सांगत आहेत. मी योग्य वेळ आल्यावर पूर्ण सत्य सांगेन, तेव्हा सगळे चकित होतील. राजकारणात योग्य वेळ कधी येईल,ते सांगता येत नाही, असे सत्यजीत तांबे यांनी म्हटले. नाशिक पदवीधर मतदारसंघाच्या निवडणुकीचा निकाल २ फेब्रुवारी रोजी जाहीर होणार आहे. यानंतर सत्यजीत तांबे कोणता गौप्यस्फोट करणार का, हे पाहावे लागेल.
रात्रीतून चित्र बदलले; नगरची ती ‘अज्ञात शक्ती’ तांबेंच्या पाठीशी, कार्यकर्त्यांनी ठेवले स्टेटस
माझा विजय १०० टक्के पक्का: सत्यजीत तांबे
नाशिक पदवीधर मतदारसंघात गेली १४ वर्षे माझ्या वडिलांनी प्रतिनिधित्व केले आहे. या काळात आम्ही पक्षीय भेदाभेद विसरुन काम केले आहे. आम्ही या काळात अनेक ऋणानुबंध निर्माण केले आहेत. त्यामुळे या निवडणुकीत मला १०० पेक्षा जास्त संघटनांचा पाठिंबा आहे. सगळ्याच राजकीय पक्षांचे कार्यकर्ते माझ्यासोबत आहेत. हे सगळे चित्र बघून माझे मन भरुन आले आहे. येणाऱ्या काळात मी जनतेचा विश्वास सार्थ ठरवण्याचा प्रयत्न करेन. आगामी काळात मी अपक्ष म्हणूनच काम करेन, असेही सत्यजीत तांबे यांनी सांगितले. 
सर्वांना धक्का बसेल, असा गौप्यस्फोट करणार, प्रचाराच्या शेवटच्या दिवशी सत्यजीत तांबेंनी डाव टाकला
राधाकृष्ण विखे-पाटलांची सत्यजीत तांबेंना ऑफर
भाजपचे ज्येष्ठ नेते राधाकृष्ण विखे पाटील यांनी सत्यजीत तांबे यांना रविवारी रात्री पाठिंबा जाहीर केला होता. यानंतर आज विखे-पाटील यांनी तांबेंना थेट भाजपमध्ये येण्याची ऑफर दिली. तांबे यांचा विजय निश्चित असून त्यांनी आता भाजपमध्ये यावे. त्यासाठी आम्ही अग्रही आहोत, असे विखे-पाटील यांनी म्हटले. तर दुसरीकडे शिंदे गटानेही स्थानिक पातळीवर सत्यजीत तांबे यांना पाठिंबा देण्याचा निर्णय घेतल्याची माहिती शिंदे गटाचे आमदार दादा भुसे यांनी दिली. त्यामुळे भाजप आणि शिंदे गटाने अपेक्षेप्रमाणे शेवटच्या क्षणी सत्यजीत तांबे यांना पाठिंबा दिल्याचे स्पष्ट झाले आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.