विद्यार्थ्यांनी एकजूट दाखवली, दिवस रात्र आंदोलन,राज्य सरकार नमलं, नवा पॅटर्न लांबणीवर

By tejpolicetimes On Jan 31, 2023

पुणे : महाराष्ट्र लोकसेवा आयोगानं परीक्षांच्या मुख्य परीक्षांसाठी वर्णात्मक पद्धत लागू करण्याचा निर्णय घेतला होता. यूपीएससीच्या धर्तीवर हा निर्णय घेण्यात आला होता. मात्र, महाराष्ट्र लोकसेवा आयोगाच्यावतीनं घेण्यात येणाऱ्या स्पर्धा परिक्षांची तयारी करणाऱ्या विद्यार्थ्यांनी गेल्या महिनाभरापासून आंदोलन केलं होतं. एमपीएससी संदर्भातील प्रश्न काँग्रेस प्रदेशाध्यक्ष नाना पटोले यांनी नागपूर येथे झालेल्या हिवाळी अधिवेशनात देखील मांडला होता. विद्यार्थ्यांनी पुण्यासह राज्यभर विविध पद्धतीनं नव्या पॅटर्न विरोधात आंदोलन करत हा पॅटर्न २०२५ पासून लागू करण्याची मागणी केली होती. आज राज्य सरकारनं नवा पॅटर्न २०२५ पासून लागू करावी, अशी शिफारस एमपीएससीकडे करणार असल्याचं जाहीर केलं आहे. मात्र, यावेळी भाजपचे आमदार गोपीचंद पडळकर, अभिमन्यू पवार आणि रयत क्रांती संघटनेचे सदाभाऊ खोत उपस्थित होते. भाजप नेत्यांच्या उपस्थितीमध्ये निर्णय जाहीर झाल्यानं त्यांनी टायमिंग साधल्याच्या चर्चा सुरु आहेत.

विद्यार्थ्यांनी जो लढा उभारला होता त्यला यश आलं आहे. विद्यार्थ्यांच्या आंदोलनाचा आवाज राज्य सरकारनं ऐकला आहे. मुख्यमंत्री एकनाथ शिंदे आणि देवेंद्र फडणवीस हे अत्यंत संवेदनशील आहेत. महाराष्ट्रात कुठलाही कसलाही प्रश्न निर्माण झाल्यास तो सोडवण्याची क्षमता असलेलं नेतृत्त्व सत्तेत आहे, असं गोपीचंद पडळकर म्हणाले. आजच्या यशाचं श्रेय विद्यार्थ्यांना जात आणि सरकार विद्यार्थ्यांच्या पाठिशी ठाम आहे. विद्यार्थ्यांचं श्रेय आहे हे सरकारचं श्रेय आहे, असं गोपीचंद पडळकर म्हणाले.

Union Budget 2023 : कर, कर्ज, महागाई; अर्थसंकल्पात काय स्वस्त आणि काय महाग? वाचा सविस्तर

आमदार अभिमन्यू पवार यांनी विद्यार्थ्यांचं अभिनंदन करत असल्याचं म्हटलं. मुख्यमंत्री, उपमुख्यमंत्री यांनी संवेदनशीलपणे प्रश्न हाताळला आणि जे १७ लाख विद्यार्थी अभ्यास करतात त्यांना दिलासा मिळाला असल्याचं अभिमन्यू पवार म्हणाले.

आंध्र प्रदेशने राज्याची राजधानीचे शहर बदलले; अमरावती नव्हे तर हे शहर झाली नवी राजधानी

विद्यार्थ्याचं राज्यभर आंदोलन, पुण्यात निर्णयाबद्दल आश्वासन

महाराष्ट्र लोकसेवा आयोगानं राज्यसेवा परीक्षेत वर्णनात्मक पद्धत लागू करण्याचा निर्णय घेतला होता. हा निर्णय २०२५ पासून लागू करावा, अशी मागणी विद्यार्थ्यांची होती. विद्यार्थी पुण्यात स्पर्धा परिक्षेची तयारी मोठ्या प्रमाणावर करतात. मात्र, यावेळी राज्यभर विद्यार्थ्यांनी आंदोलन केलं होतं.औरंगाबाद, नागपूरसह विविध जिल्ह्यात विद्यार्थ्यांनी आंदोलन केलं होतं. पुण्यात विद्यार्थ्यांनी रात्रभर आंदोलन केलं होतं. मुख्यमंत्री एकनाथ शिंदे यांच्याशी चर्चा झाल्यानंतर विद्यार्थ्यांनी त्यावेळी आंदोलन मागं घेतलं होतं. नाना पटोलेंनी विधिमंडळ अधिवेशनात देखील मुद्दा मांडला होता. वर्णनात्मक पद्धत २०२५ पासून लागू करण्याचा निर्णय घेण्यासंबंधी आश्वासन देवेंद्र फडणवीस यांनी भाजपच्या आमदारांच्या फोन वर दिल्यानं चर्चा सुरु आहेत.

राष्ट्रवादी काँग्रेसचे कर्जत जामखेडचे आमदार रोहित पवार यांनी देखील काल उपमुख्यमंत्री देवेंद्र फडणवीस यांची भेट घेत एमपीएससीची तयारी करणाऱ्या विद्यार्थ्यांचा मुद्दा मांडला होता.

अनिल परबांनी म्हाडाच्या सीईओंना घेतलं फैलावर, नोटीस काढणाऱ्या अधिकाऱ्याला बोलवा, अन्यथा….

Source link