मोठा आवाज झाला, परिसरात पसरला उग्र वास, डोंबिवलीत महानगर गॅसची पाइपलाइन फुटली, गॅस वाया

डोंबिवली मधील गांधीनगर परिसरात एका इमारतीचे काम सुरू असून जेसीबीने खणण्याचे काम सुरू असताना सायंकाळी ५ ते ५.१५ च्या सुमारास महानगर गॅसची पाइपलाइन फुटली. गॅसचा प्रेशर जास्त असल्याने मोठ्याने आवाज येऊ लागला. तेथील लोकांना त्यावेळी आधी काही कळेलच नाही, मात्र गॅस वास येऊ लागल्याने समजले. दरम्यान गॅस लाइन फुटल्याचे समजताच जेसीबी चालकाने पळ काढला.

मोठा आवाज आणि परिसरात वास परसल्याने मनसे कार्यकर्ते शशिकांत कोकाटे आणि मिलिंद म्हात्रे हे घटनास्थळी पोहोचले. कोकाटे यांनी तात्काळ याची माहिती अग्निशमन दलाल दिली. अग्निशमन दलाच्या जवानांनी घटनास्थळी धाव घेत पहाणी केली. परंतु अत्यावश्यक सेवा येण्यास तास-दीड तासाचा कालावधी लागेल असे सांगण्यात आले. त्यामुळे स्थानिक नागरिक कोकाटे यांनी गॅस लाइनचा वॉल शोधून त्या कार्यालयाची चावी बनविण्यास सांगितले.

क्लिक करा आणि वाचा- मला तुझ्या चटईवर झोपायला दे ना…; डोळाही मारायचा, विद्यार्थिनींशी अश्लील चाळे करणाऱ्या शिक्षकाला ठोकल्या बेड्या

तेवढ्यात सायंकाळी पावणे सातच्या सुमारास महानगरकडून या लाइनवरील गॅस पुरवठा बंद करण्यात आला. मात्र तो पर्यत हजारो किलो गॅस वाया गेला आहे. त्यानंतर महानगरचे कर्मचारी हे घटनास्थळी आले आणि पाइपलाइन गळती झालेल्या ठिकाणी एन्ड कॅप बसविण्यात आली आहे. हे काम पूर्ण होऊन गॅस पुरवठा सुरळीत सुरू होण्यास कालावधी लागू शकतो असे कर्मचाऱ्यांनी सांगितले. दरम्यान महानगर गॅस पुरवठा बंद असल्याने नागरिकांना सायंकाळी जेवण बनविताना अनेक अडचणींचा सामना करावा लागला.

क्लिक करा आणि वाचा- गुड न्यूज! या सरकारी योजनेत फक्त एकदाच करा गुंतवणूक, तुम्हाला दरमहा मिळतील ९००० रुपये

याबाबत मनसेचे विद्यार्थी शहर अध्यक्ष मिलिंद म्हात्रे यांनी सांगितले की, अधिकाऱ्यांना यायला तब्बल दोन तास लागले. महानगर गॅसचे ऑफिस अंबरनाथ येथे आहे. मात्र जर ते डोंबिवली आणि ग्रामीण सर्व्हिस देत असतील त्यांनी इथं ऑफिस आणि अधिकारी वर्ग दिला पाहिजे, एमरजन्सीला ते वेळेत घटनास्थळी पोचले पाहिजेत. दरम्यान महानगर गॅसची पाइपलाइन फुटल्यास त्या जागेवर माती टाका असे आवाहन महानगर गॅस कंपनी कर्मचाऱ्यांकडून सांगण्यात आले. गॅस लिकेज झाला त्याठिकाणी स्पार्क झाल्यास दुर्घटना घडू शकते असे ही ते म्हणाले.

क्लिक करा आणि वाचा- मोठी बातमी! आता विवाहित मुलींनाही मिळणार अनुकंपा तत्त्वावर नोकरी, सरकारने प्रथमच उचलले पाऊल