Pune Crime: पुण्यातील धायरी फाटा येथे विवाहित महिलेचा संशयास्पद मृत्यू

धायरी:पुणे येथील सिंहगड रस्त्यावरील धायरी फाटा येथे एका विवाहित महिलेचा संशयास्पद मृत्यू झाल्याचे उघडकीस आले आहे. ही घटना शुक्रवारी सायंकाळी सातच्या सुमारास उघडकीस आली. निशा अजय निकाळजे (वय १९, रा. धायरी, पुणे ) असे मृत्यू झालेल्या महिलेचे नाव आहे. दरम्यान, धायरी फाटा भागात घडलेल्या या घटनेने एकच खळबळ उडाली आहे. घटनेनंतर सदर महिलेचा पती फरार असून त्याचा फोनही बंद आहे. त्याचा शोध लागल्यानंतरच निशा यांचा मृत्यू नेमका कशामुळे झाला हे स्पष्ट होऊ शकणार आहे. ( Pune Woman Suspicious Death Update )

वाचा:पुण्यात वाहतूक पोलिसांनी बाइकस्वारासह उचलली बाइक!; आता म्हणतात…

सिंहगड पोलिसांनी दिलेल्या माहितीनुसार, सिंहगड रस्त्यावरील धायरी फाटा येथील त्रिमूर्ती हॉस्पिटल जवळ राहणारी एक महिला घरी बेशुद्धावस्थेत आढळून आली होती, याची माहिती शेजाऱ्यांना मिळताच त्यांना जवळच्या रुग्णालयात उपचारासाठी दाखल करण्यात आले होते, परंतु उपचारादरम्यान त्या महिलेचा मृत्यू झाला.

वाचा: दुचाकीच्या नंबरप्लेटवर चिखल लावून घरफोडया करणारे निघाले सख्खे भाऊ

धायरी फाटा परिसरात राहणाऱ्या विवाहित जोडप्यामध्ये भांडण झाले होते, यामध्ये महिलेचा मृत्यू झाला परंतु यामध्ये महिलेने आत्महत्या केली की पतीने खून केला, हे अद्याप स्पष्ट होऊ शकलेले नाही. या प्रकारानंतर महिलेचा पती फरार असून त्याचा मोबाइल बंद येत आहे. पोलीस त्याचा शोध घेत आहेत. प्राथमिक अंदाजानुसार महिलेचा खून करण्यात आला असण्याची शक्यता पोलिसांनी वर्तवली आहे. पुढील तपास सिंहगड पोलीस करत आहेत.

वाचा: १२ वर्षांवरील मुलांसाठी करोनावरील लसीला केंद्राची मंजुरी