रक्षाबंधनाच्या दिवशी गदर २ ची बंपर कमाई, बॉक्स ऑफिसवर पडला पैशांचा पाऊस

मॉर्निंग शोमध्ये १६.२५%, दुपारच्या शोमध्ये ३८.४८% आणि रात्रीच्या शोमध्ये ३४.०२% अशी ऑक्युपन्सी नोंदवली गेली आहे.

‘गदर २’ ची जगभरातील कमाई

जगभरातील कलेक्शनबद्दल बोलायचे झाले तर सनी आणि अमिषाच्या या चित्रपटाने २० दिवसांत ६२० कोटींहून अधिक कमाई केली आहे. चित्रपटाने १९ दिवसांत ६११.१० कोटी रुपये कमावले, तर भारतातील एकूण कलेक्शन ५४९.६० कोटी तर निव्वळ कलेक्शन ४६५.७५ कोटी इतके होते.

सहा फूट उंच माणसाची अमृता खानविलकरने भर रस्त्यात केलेली धुलाई,अभिनेत्रीनेच सांगितलं काय घडलं?
‘गदर २’ ही भारत आणि पाकिस्तान यांच्यातील कटु संबंधांची कथा आहे

अनिल शर्मा दिग्दर्शित ‘गदर २’ ११ ऑगस्टला स्वातंत्र्य दिनानिमित्त प्रदर्शित झाला होता. या चित्रपटाने एकामागून एक अनेक विक्रम मोडले आहेत. केवळ बॉलिवूडच नाही तर या चित्रपटाने आतापर्यंत बंपर कमाई केलेल्या साऊथच्या अनेक चित्रपटांनाही मागे टाकले आहे. ‘गदर २’ हा भारत आणि पाकिस्तानच्या फाळणीनंतर दोन्ही देशांमधील कटू संबंधांवर आधारित एक सिक्वेल चित्रपट आहे. २२ वर्षांपूर्वी ‘गदर’ हा पहिला चित्रपट प्रदर्शित झाला होता आणि या चित्रपटानेही त्यावेळी बॉक्स ऑफिसवर चांगलीच धुमाकूळ घातला होता.