Tej Police Times
बदलू शकतं इंडिया नाव
सध्या सर्व भारतीय वेबसाइटची ओळख India नावावरून होते. जगभरातील जेवढ्या वेबसाइट .In डोमेनवर रजिस्टर्ड आहेत त्यांची ओळख इंडिया नावामुळे आहे. म्हणजे ‘डॉट इन’ ही सर्व भारतीय वेबसाइटची ओळख आहे. त्यामुळे जर इंडिया नाव बदलून भारत झालं तर ह्या वेबसाइटची ओळख बदलू शकते.
इंडिया विरुद्ध भारत
तुम्हाला तर माहित असेल की भारतीय संविधानात भारत आणि इंडिया दोन्हींचा वापर करण्यात आला आहे. म्हणूनच सर्व भारतीय देखील इंग्रजीत इंडिया आणि मराठी व इतर भारतीय भाषांमध्ये भारत शब्दाचा वापर करतात. परंतु संविधानात बदल करून इंडियाचं भारत केल्यास इंग्रजीतही भारत म्हणून उल्लेख केला जाईल.
वाचा: बंदी हटल्यानंतर देखील Free Fire India साठी पाहावी लागणार वाट; कंपनीनं सांगितलं कारण
.IN डोमेन म्हणजे काय
.IN हे एक ccTLD म्हणजे ‘कंट्री क्रोड टॉप लेयर डोमेन’ आहे. ज्याचा अर्थ असा की शेवटाला .IN असलेल्या वेबसाइट इंडियाशी संबंधित आहेत. ह्यांचे रजिस्ट्रेशन एक भारतीय संस्था NIXI करते. .IN चे काही सबडोमेन आहेत, ज्यात gov.in आणि mil.in चा समावेश आहे. ह्यातील gov चा वापर सरकारी वेबसाइट आणि mil.in चा वापर सैन्याच्या वेबसाइटसाठी केला जातो. अशाचप्रकारे चिनी वेबसाइटसाठी .CN, अमेरिकन वेबसाइटसाठी .US आणि .UK डोमेनचा वापर केला जातो.
बदलू शकतं डोमेन नेम
जर इंडियाचं नाव भारत झालं तर .In डोमेन बदलून .BH किंवा .BR किंवा इतर काही तरी होण्याची शक्यता आहे. परंतु हे डोमेन आधीच घेतले गेले आहेत. बेहरीन देशाकडे .BH डोमेन आहे. तर ब्राजीलचा डोमेन .BR आणि .BT डोमेन भूटानकडे आहे. त्यामुळे भारताला .BHA, .BHRT किंवा .BHARAT डोमेन मिळू शकतं.
वाचा: वनप्लसला टक्कर देणारा फोन येतोय; Xiaomi 13T सीरीजच्या ग्लोबल लाँचची डेट कंफर्म
डोमेन तसंच राहू शकतं
इंडिया नाव बदलून भारत होईल परंतु त्यामुळे इंडियन वेबसाइटच्या डोमेनवर कोणताही फरक पडणार नाही असं देखील होऊ शकतं. कारण चेक रिपब्लिकनं आपलं नाव २०१६ मध्ये चेक रिपब्लिकवरून चेकिया केलं होतं परंतु अजून त्यांचं सीसीटीएलडी ‘डॉट सीआर’ आहे.
संभाव्य समस्या
नाव बदलून जुना सीसीटीएलडी नवीनवर रिडायरेक्ट केला जाईल. ह्यसाठी वेबसाइटच्या मालकाला डोमेन नेम अपडेट करावं लागेल. जेव्हा डोमेन बदलतं तेव्हा वेबसाइटचा यूआरएल, ईमेल अॅड्रेस आणि इतर ओळख बदलली. ह्यात बराच पैसे खर्च होतो.
वाचा: जबरदस्त स्पेसीफिकेशन्ससह Oppo A38 झाला लाँच; किंमत असू शकते बजेट फ्रेंडली
बंद होणार का वेबसाइट
डोमेन नेम बदल्यावर कोणतीही वेबसाइट बंद होणार नाही. अशा बातम्या निव्वळ अफवा आहेत. ह्याआधी देखील अनेक देशांची नावे बदलली आहेत. अलीकडेच २०२२ मध्ये तुर्कीचे नाव बदलून तुर्किये झालं आहे. तर २०२० मध्ये हॉलँडचं नाव बदलून नेदरलँड झालं. १९९३ मध्ये कंपूचियाचं कंबोडिया झालं, बर्माचं १९८९ म्यानमार झालं आणि १९७२ मध्ये सिलोनचं श्रीलंका असं नामांतर करण्यात आलं आहे.