Tej Police Times
मुकेश अंबानींना टक्कर देण्यासाठी येतोय इलॉन मस्क; Starlink ला लवकरच मिळू शकतो भारतात परवाना
भारतात सॅटेलाइट ब्रॉडबँड सर्व्हिस सुरु करण्यासाठी कंपनीला ग्लोबल मोबाइल पर्सनल कम्युनिकेशन बाय सॅटेलाइट (जीएमपीसीएस) सर्व्हिस परवाना आवश्यक असतो. SpaceX च्या मालकीच्या Starlink ला लवकरच हा परवाना मिळू शकतो. OneWeb आणि Jio Satellite Communications Ltd नं हा परवाना आधीच मिळवला आहे. टाइम्स ऑफ इंडियाच्या रिपोर्टनुसार स्टारलिंकच्या जीएमपीसीएसच्या परवान्याच्या प्रस्तावावर चर्चा करण्यासाठी ह्या महिन्यात एका उच्च स्थरीय बैठक बोलावण्यात आली आहे. ह्या प्रस्तावाला होकार मिळण्याची शक्यता आहे. परंतु काही कारणास्तव उशीर होण्याची शक्यता देखील नाकारता येत नाही.
हे देखील वाचा: …म्हणून आता WhatsApp वर येऊ शकतात Telegram आणि Signal अॅप्सचे मेसेज, प्रत्येक मेसेंजर इंस्टॉल करण्याची गरज नाही
परंतु स्टारलिंकला भारतात सर्व्हिस सुरु करण्यासाठी जिएमपीसीएस परवाना घेणं आवश्यक असेल. जीएमपीसीएस परवान्यानंतर विविध सरकारी विभागांकडून परवानगी मिळवावी लागेल आणि स्पेस डिपार्टमेंटची सहमती देखील लागेल. योग्य परवाना आणि परवानग्या नसल्यामुळे स्टारलिंकला प्रीबुकिंग रक्कम ग्राहकांना परत देण्याचे आदेश टेलिकॉम डिपार्टमेंट दिले होते. सॅटेलाइट ब्रॉडबँड कंपनीनं पैसे परत करून दीड वर्षांपेक्षा जास्त कालावधी झाला आहे.
हे देखील वाचा: धक्कादायक बातमी! बंद होणार आहे iPhone चा हा लोकप्रिय मॉडेल, तुम्ही तर नाही ना वापरत
आता वनवेब आणि जिओ भारतीय बाजारात आल्यामुळे स्टारलिंक कशाप्रकारे योजना आखते हे पाहावं लागेल. वनवेबनं काही महिन्यांपूर्वीच आपलं एलइओ सॅटेलाइट कॉन्स्टीलेशनचं लक्ष्य पूर्ण केलं आहे, त्यामुळे लवकरच ह्यांची सर्व्हिस सुरु होऊ शकते.