Tej Police Times
हायलाइट्स:
- बापानेच ९ वर्षांच्या सावत्र मुलीला पंचगंगा नदीत फेकले.
- मुलगी बेपत्ता असल्याची पोलिसांकडे दिली होती तक्रार.
- आरोपीला अटक तर मुलीचा अजूनही शोध लागला नाही.
वाचा:नगरमधील ‘ती’ धक्कादायक घटना; तीन पोलिसांवर निलंबनाची कारवाई
याबाबत अधिक माहिती अशी की, यळगुड येथील युवराज साळुंखे हा चांदी कारागीर आहे. त्याची यापूर्वी दोन लग्ने झाले असून सध्या तिसऱ्या बायकोसोबत तो राहतो. या तिसऱ्या बायकोचा पूर्वी विवाह झाला होता. तिला एक मुलगी आहे. या मुलगीला स्वीकारत साळुंखे याने तिच्याशी लग्न केले. तिचे नाव प्रणाली असून ती सध्या नऊ वर्षाची आहे. यळगुड येथील कन्या विद्यालयात ती चौथीच्या वर्गात शिकत आहे.
वाचा:धक्कादायक: नागपूर विद्यापीठातील विभागप्रमुख ज्योत्स्ना मेश्राम यांची आत्महत्या
घरात रोज पती-पत्नीमध्ये विविध कारणावरून वाद होत असल्याने साळुंखे याची मानसिकता बिघडली होती. त्यातूनच रविवारी रात्री त्याने मुलीला फिरायला नेले व इचलकरंजी येथे पंचगंगा नदीत फेकून दिले. त्यानंतर त्याने आपली मुलगी बेपत्ता असल्याची तक्रार हुपरी पोलीस ठाण्यात दिली. तक्रार दिल्यानंतर सतत पाठपुरावा करत पोलिसांशी तो संपर्क साधू लागल्याने त्याच्यावरच पोलिसांना संशय आला. त्यामुळे पोलिसांनी आज साळुंखेला ताब्यात घेऊन चौकशी केली असता त्याने मुलीला नदीत टाकल्याची कबुली दिली.
रविवारी रात्रीपासून या मुलीचा पोलीस शोध घेत आहेत. नदीच्या काठावर तिचे चप्पल सापडले असून अन्य काही साहित्यही मिळाले आहे. याप्रकरणी हुपरी पोलीस ठाण्यात युवराज साळुंखेविरुद्ध गुन्हा दाखल झाला असून पोलीस निरीक्षक राजेंद्र मस्के हे अधिक तपास करत आहेत. गेल्या आठवड्यात शिरोळ तालुक्यातील एका बापाने मुलगी ऐकत नाही म्हणून तिला नदीत फेकून दिले होते, आज हा दुसरा प्रकार उघड झाल्याने जिल्ह्यात खळबळ उडाली आहे.
वाचा: नारायण राणे-हितेंद्र ठाकूर भेटीनंतर मोठं वादळ; भाजप जिल्हाध्यक्ष आक्रमक