आयफोनला टक्कर देणाऱ्या Google Pixel 8, 8 Pro ची किंमत लीक, पुढील आठवड्यात येणार बाजारात

किती असेल किंमत

टिपस्टर Kamila Wojciechowska नं आपल्या X हँडलवरून Pixel 7 आणि Pixel 8 Series ची किंमत शेयर की केली आहे. त्यानुसार दोन्ही सीरिजच्या किंमतीत अजिबात फरक असणार नाही. तर लीक रिपोर्टनुसार , Google Pixel 8 ची किंमत ६९९ डॉलर म्हणजे सुमारे ५८,००० रुपयांपासून सुरु होईल. तर Pixel 8 Pro ची किंमत ८९९ डॉलर म्हणजे जवळपास ७६,००० रुपये असू शकते.

हे देखील वाचा: यंदाच्या सर्वात मोठ्या सेलचं पेज लाइव्ह; डिस्काउंट आणि डील्सचा खुलासा

पिक्सल ८ सीरिजचे फीचर्स

Pixel 8 मध्ये ६.१ इंचाचा ६० हर्ट्झ रिफ्रेश रेट असलेला डिस्प्ले मिळू शकतो. तर Pixel 8 Pro मध्ये ६.७ इंचाचा १२० हर्ट्झ अडॅप्टिव्ह रिफ्रेश रेट असलेला डिस्प्ले मिळेल. हे दोन्ही डिवाइस Google Tensor 3 प्रोसेसरवर चालतील आणि ह्यात Android 14 ऑपरेटिंग सिस्टम दिली जाऊ शकते. Pixel 8 मध्ये ८जीबी तर Pixel 8 Pro मध्ये १२जीबी रॅमचा सपोर्ट मिळू शकतो.

हे दोन्ही डिवाइसेस फास्ट वायर्ड आणि वायरलेस चार्जिंगसह वॉटर आणि डस्टप्रूफ असतील. ह्यात Google One, VPN, फेस आणि फिंगरप्रिंट अनलॉक सारखे फीचर्स मिळतील. ह्यांच्या बॅटरीची माहिती समोर आली नाही.

हे देखील वाचा: Redmi Note 12 च्या किंमतीत मोठी कपात; आता बजेटमध्ये बसणार ६जीबी रॅम असलेला फोन

Pixel 8 Series चा कॅमेरा

Pixel 8 मध्ये ५० मेगापिक्सलचा मुख्य कॅमेरा आणि १२ मेगापिक्सलच्या अल्ट्रा वाइड कॅमेऱ्यासह ड्युअल कॅमेरा सेटअप असेल. तर Pixel 8 Pro मध्ये ५० मेगापिक्सलचा मुख्य कॅमेरा दिला जाईल. जोडीला ४८ मेगापिक्सलचा क्वॉड फेज डिव्हिजन कॅमेरा मिळेल. सोबत ४८ मेगापिक्सलचा टेलीफोटो कॅमेरा देखील दिला जाऊ शकतो. सेल्फी आणि व्हिडीओ कॉलिंगसाठी ह्या दोन्ही फोनमध्ये १०.५ मेगापिक्सलचा कॅमेरा मिळेल. हे दोन्ही फोन कॅमेऱ्याच्या बाबतीत अलीकडेच आलेल्या आयफोन १५ सीरिजला टक्कर देऊ शकतात.