यूजीसी-एनईटी मध्ये अतिरिक्त विषयांच्या पेपर्सचा समावेश होण्याची शक्यता

UGC-NET Additional Subjects : विद्यापीठातील सहाय्यक प्राध्यापक आणि ज्युनिअर रिसर्च फेलोशिपच्या नियुक्तीसाठी UGC-NET चा अभ्यासक्रम बदलण्यासाठी स्थापन करण्यात आलेल्या समितीच्या अहवालानंतर मोठे बदल अंमलात आणले जाणार आहेत. UGC NET परीक्षेत काही नवीन विषयांचाही समावेश केला जाऊ शकतो. यूजीसीचे अध्यक्ष प्रा. एम. जगदीश कुमार यांनी प्रसार माध्यमांना दिलेल्या महितीनुसार येत्या काळात स्थापन होणारी समिती UGC NET च्या प्रत्येक पैलूची तपासणी करेल. कोणत्याही विषयात काही पेपर्स जोडता येतील का, याचाही ही समिती आपला अहवाल देईल. समितीच्या अहवालानंतरच यूजीसी निर्णय घेईल.

पात्रतेच्या अटीही पहाव्या लागणार :

सध्या, यूजीसी नेट परीक्षा ८३ विषयांमध्ये घेतली जाते. २०१७ नंतर, म्हणजेच ६ वर्षांनंतर यूजीसी नेटच्या अभ्यासक्रमात बदल केला जाईल. त्यामुळे अभ्यासक्रम बदलण्याची प्रक्रिया अत्यंत महत्त्वाची ठरणार असल्याचे तज्ज्ञांचे म्हणणे आहे. राष्ट्रीय शैक्षणिक धोरणाच्या अंमलबजावणीनंतर बहुविद्याशाखीय शिक्षणाबरोबरच कौशल्य अभ्यासक्रमांनाही महत्त्व दिले जात आहे, त्यामुळे यूजीसी नेटचे विषयही त्यानुसार बदलावे लागणार आहेत. चौधरी रणबीर सिंग विद्यापीठाचे (जिंद) माजी कुलगुरू प्रा. आर. बी. सोळंकी सांगतात की, नवीन विषयांच्या समावेशासोबतच आशयात बदलही खूप महत्त्वाचा ठरणार आहे.

बहु-अनुशासनात्मक दृष्टीकोन अंमलात आणण्यासाठी, एकापेक्षा जास्त विषयांमधील मजकूर समाविष्ट करावा लागेल आणि त्यानुसार विषयाचे शीर्षक देखील तयार केले जाईल. प्रो. सोळंकी सांगतात की, अभ्यासक्रमात बदल करून नवीन विषयांची भर घालण्याबरोबरच नवीन विषय क्लिअर करणाऱ्या शिक्षकाला कोणते विषय शिकवता येतील हेही पाहावे लागेल.

उद्योगांच्या मागणीनुसार नवीन विषयांचा समावेश करावा :

पंजाब सेंट्रल युनिव्हर्सिटी, भटिंडा चे कुलगुरू राघवेंद्र प्रसाद तिवारी म्हणतात की, राष्ट्रीय शैक्षणिक धोरण २०२० च्या अंमलबजावणीबरोबरच विषयांची सामग्री बदलणे आवश्यक आहे. नवीन विषयांची मागणीही वाढली आहे. यूजीसी नेटच्या अभ्यासक्रमात सुधारणा करण्याचा यूजीसीचा निर्णय योग्य असल्याचे त्यांचे म्हणणे आहे. एआय, रोबोटिक्स, ड्रोन टेक्नॉलॉजी, मेकॅट्रॉनिक्स असे अनेक नवीन विषयही आले आहेत, त्यामुळे आता यूजीसी नेट परीक्षाही नवीन विषयांत घेतली जावी. तज्ज्ञांच्या मते, हे निश्चित आहे की यूजीसी नेटमध्ये काही नवीन विषय जोडले जातील, काही विषयांची शीर्षके बदलली जातील, आणि कौशल्य अभ्यासक्रमांनाही प्रवेश घेता येईल.

(वाचा : UGC NET New Syllabus: यूजीसी-नेटच्या अभ्यासक्रमातही बदल होणार; अभ्यासक्रम बदलण्यासाठी तज्ज्ञांची समिती)