Tej Police Times
निष्काळजीपणाचा कळस! महापालिकेची महत्त्वाची कागदपत्रे रस्त्यावर, नागरिक संतप्त
म. टा. वृत्तसेवा, मालेगाव: महापालिकेची काही कागदपत्रे शहरातील बुनकर बाजारात गोणीत बेवारस पद्धतीने आढळून आल्याचा धक्कादायक प्रकार बुधवारी (दि. २०) सकाळी समोर आला. तीन गोण्यांमध्ये भरलेली ही कागदपत्रे नागरिकांना सापडली. यामुळे महापालिका प्रशासनाची बेपवाई समोर आली असून, यानंतर शहरातील सामाजिक कार्यकर्ते, नागरिकांनी संताप व्यक्त केला आहे.
शहरातील बुनकर बाजार परिसरात तीन गोण्या भरून काही कागदपत्रे पडून असल्याचे स्थानिक नागरिकांना लक्षात आले. सामाजिक कार्यकर्ते रामदार बोरसे, प्रमोद पाटील यांना माहिती मिळताच त्यांनी तत्काळ येथे धाव घेत स्थानिक व्यावसायिकांना विचारणा केली. परंतु, ही कागदपत्रे येथे कशी आली, याविषयी कोणी सांगू शकले नाही. महापालिकेची महत्त्वाची कागदपत्रे अशा पद्धतीने फेकून देण्यात आल्याने बोरसे यांनी संताप व्यक्त करीत महापालिकेच्या कारभाराबद्दल नाराजी व्यक्त केली. घटनेची माहिती आयुक्त रवींद्र जाधव यांना मिळताच त्यांनी घटनास्थळी अधिकारी, कर्मचाऱ्यांना पाठवून पंचनामा करून कागदपत्रे ताब्यात घेण्याच्या सूचना केल्या. घटनास्थळी आल्यानंतर महापालिका अधिकारी कर्मचाऱ्यांना सामाजिक कार्यकर्त्यांच्या रोषाला सामोरे जावे लागले. महापालिका प्रशासनाच्या एखाद्या प्रकरणातील भ्रष्टाचार लपवण्यासाठी तर ही कागदपत्रे फेकून देण्यात आली नाहीत ना, असा प्रश्न नागरिकांनी उपस्थित केला. पोलिसांसमोर पंचनामा करीत पालिका कर्मचाऱ्यांनी कागदपत्रे ताब्यात घेतली. या घटनेची सखोल चौकशी करून दोषींवर कारवाई करण्याची मागणी बोरसे यांनी केली आहे.
शहरातील बुनकर बाजार परिसरात तीन गोण्या भरून काही कागदपत्रे पडून असल्याचे स्थानिक नागरिकांना लक्षात आले. सामाजिक कार्यकर्ते रामदार बोरसे, प्रमोद पाटील यांना माहिती मिळताच त्यांनी तत्काळ येथे धाव घेत स्थानिक व्यावसायिकांना विचारणा केली. परंतु, ही कागदपत्रे येथे कशी आली, याविषयी कोणी सांगू शकले नाही. महापालिकेची महत्त्वाची कागदपत्रे अशा पद्धतीने फेकून देण्यात आल्याने बोरसे यांनी संताप व्यक्त करीत महापालिकेच्या कारभाराबद्दल नाराजी व्यक्त केली. घटनेची माहिती आयुक्त रवींद्र जाधव यांना मिळताच त्यांनी घटनास्थळी अधिकारी, कर्मचाऱ्यांना पाठवून पंचनामा करून कागदपत्रे ताब्यात घेण्याच्या सूचना केल्या. घटनास्थळी आल्यानंतर महापालिका अधिकारी कर्मचाऱ्यांना सामाजिक कार्यकर्त्यांच्या रोषाला सामोरे जावे लागले. महापालिका प्रशासनाच्या एखाद्या प्रकरणातील भ्रष्टाचार लपवण्यासाठी तर ही कागदपत्रे फेकून देण्यात आली नाहीत ना, असा प्रश्न नागरिकांनी उपस्थित केला. पोलिसांसमोर पंचनामा करीत पालिका कर्मचाऱ्यांनी कागदपत्रे ताब्यात घेतली. या घटनेची सखोल चौकशी करून दोषींवर कारवाई करण्याची मागणी बोरसे यांनी केली आहे.
कसली होती कागदपत्रे ?
महापालिकेच्या नगररचना व बांधकाम विभागाशी संबंधित गुंठेवारी करणे व झोपडपट्टीधारकांच्या संबंधीची सन २००३ मधील ही कागदपत्रे आहेत. अपात्र ठरलेल्या नागरिकांची ही कागदपत्रे महापालिकेच्या टाऊन हॉल परिसरात अडगळीत पडून होती. येथून ही कागदपत्रे गहाळ झाल्याचे प्राथमिक तपासात समोर आले आहे.
कोट
महापालिकेशी संबंधित कागदपत्रे बेवारस आढळून येणे ही गंभीर बाब आहे. या प्रकरणात संबंधितांना कागदपत्रांची पडताळणी करण्याच्या सूचना दिल्या आहेत. कागदपत्रे निष्कासित करण्याची निश्चित प्रक्रिया असून, याची सखोल चौकशी केली जाईल.
– रवींद्र जाधव, आयुक्त, मालेगाव महापालिका
कोट
महापालिकेची कागदपत्रे रस्त्यावर आढळून येणे गंभीर आहे. रस्त्यावर टाकण्यात आलेल्या फाईल नेमक्या कशाच्या होत्या, त्या कोणी येथे आणून टाकल्या या प्रश्नांची उत्तरे मिळायला हवीत. आयुक्तांनी संबंधितांवर कारवाई करावी.
– निखील पवार, सामाजिक कार्यकर्ते
Read Latest Maharashtra News And Marathi News