संगणकाजवळ चिठ्ठी टाकली; मात्र काका-पुतण्याचा डाव फसला, ‘असं’ बिंग फुटलं, वाचा नेमकं प्रकरण

कॉपीचा प्रकार समजताच फिर्यादी पवार पाटील यांनी सदरील केंद्रावर जात सीसीटीव्ही फुटेजची पाहणी केली. त्यात चंद्रकांत हे परीक्षार्थी एकनाथ याच्या जवळ पाच ते सहा वाजे दरम्यान चार ते पाच वेळेस जाताना आणि एक वेळेस परीक्षार्थी याच्या संगणकाजवळ चिठ्ठी टाकून जाताना दिसून आले. तसेच चिठ्ठी कोठे टाकली हे परीक्षार्थ्यास इशारा करतानाही कॅमेऱ्यात दिसून आले. कॉपीचा हा प्रकार लक्षात येताच पवार पाटील यांनी पोलिसांकडे धाव घेत तक्रार दिली. त्यावरुन गुन्हा दाखल झाल्याचे पोलिसांनी सांगितले. याप्रकरणी अधिक तपास पोलीस उपनिरीक्षक सचिन जाधव करत आहेत.