बरेलीची राधा आली ठुमकत, अख्खी जत्रा तिच्यावर फिदा; सारंगखेड्यातील यात्रेत राधा घोडीचीच चर्चा

नंदुरबार : नंदुरबार जिल्ह्यातल्या शहादा तालुक्यातील सारंगखेडा घोडे बाजारात दाखल झालेल्या उत्तर प्रदेश येथील बरेली येथील राधा घोडीची चर्चा आहे. तिची अदा, तिचे सौंदर्य, तिची चाल, तिच्या रुबाबासोबत तिच्या किमतीची १० लाख नाही, १५ लाख नाही तर तिची किंमत तब्बल १ कोटी आहे. आत्तापर्यंत ६५ ते ७० लाखापर्यंत तिची बोली लागली आहे. मात्र, मालकाला हि घोडी विक्री करायची नाही. कारण ती जातीवंत असल्याने ती त्यांच्या अश्वशाळेत अश्वपैदास करण्यासाठी आहे. त्यातून मिळणारे उत्पन्न जास्त असल्याचे ते सांगतात. काय आहे या घोडीचे वैशिष्टे जाणून घेऊया…

उत्तर प्रदेशमधील बरेली येथील नजीम भाई यांच्या आरएस अश्व शाळेतील राधा असून, तिची उंची ७२ इंच इतकी आहे. देशभरात होणाऱ्या अश्वस्पर्धांसाठी ती नेहमी जात असते. देशातील सर्वात उंच घोडी असल्याचा दावा त्यांनी केला आहे. ही मारवाड जातीची असून पांढरी शुभ्र आहे. तिच्या खानपानाची विशेष काळजी घेतली जात असते. तिला दिवसाला ७ लिटर दुध तसेच मका, राईचे तेल, बदाम, गावरान अंडी दिले जातात. राधाची देखभाल करण्यासाटी ४ जण असतात. घोड्याची उंची आणि त्यांच्या सौंदर्यावर, त्यांच्या जातींवर त्यांची किंमती ठरत असतात. या वर्षी घोडे बाजारात अनेक किंमती घोडे दाखल होण्यास सुरवात झाली आहे. सर्वात महाग असलेल्या राधा घोडीच्या काही खास गोष्टी मालकाने सांगितल्या.

मोठी बातमी! काँग्रेस नेते सुनील केदार यांना धक्का, नागपूर जिल्हा बँक घोटाळ्यात दोषी
या घोडीसोबत बाजारात अजून काही आकर्षक अश्व दाखल झाले आहेत. त्यात मध्यप्रदेश मधील उज्जैन येथील दीपक यांच्या मालकीच्या गब्बर घोड्याची देखील चर्चा आहे. हा गब्बर घोढा पंजाबमध्ये असणाऱ्या घोड्यांच्या नुकरा जातीतून येतो. याची किंमत मालकाने ११ लाख ठेवली एवढी ठेवली आहे.

अवघ्या तिसऱ्या आंतरराष्ट्रीय सामन्यातच साई सुदर्शनला मिळालं खास गिफ्ट, मॅचनंतर नेमकं काय घडलं? VIDEO