Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
पुणेकरांसाठी सुवर्णसंधी! प्राचीन काळातील जुनी नाणी, मुद्रा अन् चलन पाहता येणार, कुठे अन् कधी? जाणून घ्या
म. टा. प्रतिनिधी, पुणे : प्राचीन साम्राज्य, राजवटींसह स्वातंत्र्यपूर्व काळातील नाणी, चलन, धातूंच्या मुद्रा, परदेशातील चलने, राजघराण्यांच्या मुद्रा आदींचा दुर्मीळ ठेवा पुणेकरांना पाहता येणार आहे. निमित्त आहे, ‘कॉइनेक्स’ प्रदर्शनाचे…
कर्वे रस्त्यावरील सोनल हॉल येथे ‘इंटरनॅशनल कलेक्टर्स सोसायटी ऑफ रेअर आयटम्स’तर्फे आयोजित ‘कॉइनेक्स पुणे २०२३’ या प्रदर्शनाचे उद्घाटन शुक्रवारी ज्येष्ठ संग्राहक किशोर झुनझुनवाला यांच्या हस्ते झाले. या वेळी संस्थेचे संस्थापक बस्ती सोळंकी, अध्यक्ष किशोर चंडक, सहसचिव श्याम मोटे, सचिव शरद बोरा, निमंत्रक नितीन मेहता उपस्थित होते. प्रदीप सोहोनी, डॉ. अभिजित दांडेकर, गिरीश जगशी वीरा, डॉ. प्रशांत कुलकर्णी, सुबोध पेठे यांना जीवनगौरव पुरस्कार प्रदान केला. प्रदर्शनाचे यंदा २८वे वर्ष आहे.
कर्वे रस्त्यावरील सोनल हॉल येथे ‘इंटरनॅशनल कलेक्टर्स सोसायटी ऑफ रेअर आयटम्स’तर्फे आयोजित ‘कॉइनेक्स पुणे २०२३’ या प्रदर्शनाचे उद्घाटन शुक्रवारी ज्येष्ठ संग्राहक किशोर झुनझुनवाला यांच्या हस्ते झाले. या वेळी संस्थेचे संस्थापक बस्ती सोळंकी, अध्यक्ष किशोर चंडक, सहसचिव श्याम मोटे, सचिव शरद बोरा, निमंत्रक नितीन मेहता उपस्थित होते. प्रदीप सोहोनी, डॉ. अभिजित दांडेकर, गिरीश जगशी वीरा, डॉ. प्रशांत कुलकर्णी, सुबोध पेठे यांना जीवनगौरव पुरस्कार प्रदान केला. प्रदर्शनाचे यंदा २८वे वर्ष आहे.
पुण्यासह देशभरातून संग्राहक या प्रदर्शनात सहभागी झाले असून, दुर्मीळ नाणी, नोटा, पाकिटे, जुन्या वस्तूंची खरेदी आणि विक्री प्रदर्शनात होणार आहे. यासह नागरिक स्वत:कडील संग्रहांची माहितीही संग्राहकांकडून जाणून घेत आहेत. उद्या, रविवारी (२४ डिसेंबर) सकाळी दहा ते सायंकाळी सात या वेळेत नागरिकांसाठी हे प्रदर्शन खुले राहणार आहे.
संग्रह जितका दुर्मीळ होतो, तितका संग्राहक नम्र होतो. ही संग्राहकाची खरी ओळख आहे. संग्राहकांची पुढील पिढी निर्माण होणे आवश्यक आहे. यासाठी ‘इंटरनॅशनल कलेक्टर्स सोसायटी ऑफ रेअर आयटम्स’ने संस्थेने प्रयत्न करण्याची गरज आहे.- किशोर झुनझुनवाला
प्रदर्शनात काय पाहाल?
प्राचीन काळासह मुघल, मराठा आदी साम्राज्यांच्या मुद्रा, नाणी, चलन, पोस्टाची पाकिटे, देशासह विदेशातील जुनी आणि सध्याची चलने, जुन्या काळातील मणी, होन, शिवराई, सैन्याची पदके असा अनेकविध गोष्टींचा संग्रह पुणेकरांना पाहता येणार आहे.