आई-वडिलांसाठी जेवण का नाही केलं? पतीचा राग अनावर, पत्नीसोबत भयंकर घडलं, पुणे हादरलं

लव्ह मॅरेज अन् दोन महिन्यांची मुलगी; हसतं-खेळतं कुटुंब एका रात्रीत संपलं, एक चूक ठरली जीवघेणी
मधुरा तानाजी कांबळे (वय ४२, रा. स्वामी समर्थनगर, कात्रज) असे खून झालेल्या महिलेचे नाव आहे. पती तानाजी शिवाजी कांबळे (वय ४३) याला अटक करण्यात आली आहे. याप्रकरणी मुलगा पीयूष तानाजी कांबळे (वय १९) याने भारती विद्यापीठ पोलिस ठाण्यात फिर्याद दिली आहे.

ही घटना २२ डिसेंबर रोजी रात्री दहाच्या सुमारास दत्तनगर चौकात घडली आहे. तानाजी हा मजुरी करतो, तसेच त्याला दारू पिण्याचेही व्यसन आहे. पुण्यातील कात्रज येथे तो त्याची पत्नी, मुलगा, सासू-सासरे असा परिवार राहतो. रात्री दहाच्या सुमारास नेहमी प्रमाणे तानाजी कांबळे हा दारू पिऊन घरी आला. घरी बायकोने जेवण तयार न केल्याने कांबळे हा खूप चिडला.

आपल्या आई-वडिलांसाठी जेवण तयार नाही केलं म्हणून त्याने पत्नीला लाथाबुक्क्यांनी बेदम मारहाण केली. यात पत्नी गंभीर जखमी झाली. बेशुद्धावस्थेत मधुरा यांना तातडीने रुग्णालयात दाखल करण्यात आले. मात्र, उपचारादरम्यान त्यांचा मृत्यू झाला. पत्नीचा खून केल्याप्रकरणी तानाजीला अटक करण्यात आली असून, या प्रकरणाचा पुढील तपास सहायक पोलिस निरीक्षक स्वप्नील पाटील करीत आहेत.

एलियन्स पृथ्वीवरच! अशा ठिकाणी लपलेत, जिथे आपण पोहोचणं अशक्य! नासाच्या माजी शास्त्रज्ञाचा दावा
Read Latest Maharashtra News And Marathi News