Tej Police Times
वर्ध्यात फार्म हाऊसवर दरोडा, सोन्याच्या दागिन्यांसह सोयाबीनची लूट, दरोडेखोरांच्या हल्ल्यात शेतकरी गंभीर जखमी
म. टा. वृत्तसेवा, वर्धा: फार्म हाऊसवर मध्यरात्री दरोडा टाकून शेतकऱ्याला चाकूचा धाक दाखवून ५५ पोते सोयाबीन व सोन्याचे दागिने लुटून नेल्याची घटना कारंजा तालुक्यातील वाघोडा येथे रविवारी घडली. प्रतिकार करणाऱ्या शेतकऱ्याच्या पोटावर चाकूने वार करून गंभीर जखमी केले. गोपाल पालिवाल रा. नागपूर असे जखमी शेतकऱ्याचे नाव आहे.
नागपूर येथील नारायण पालिवाल यांचे कारंजा तालुक्यातील वाघोडा गावातील शेतात फार्म हाऊस आहे. आठवड्यातून एकदा ते या ठिकाणी येतात. त्यांचे पीक व शेतीचे उत्पन्न याच फार्महाऊसवर ठेवले असते. रविवारी मध्यरात्री दरम्यान दोन जणांनी त्यांचा दरवाजा ठोठावला. त्यांच्या मुलाने दरवाजा उघडताच पाच ते सहा जण अचानक तेथे आले. त्यांनी घरात शिरून धमकविण्यास व मारण्यास सुरुवात केली. यावेळी फार्महाऊसवर नारायण पालिवाल (वय ८०), पत्नी हरीकुमारी पालिवाल (वय ७०) व त्यांचा मुलगा गोपाल पालिवाल (वय ५०) हे हजर होते. झटापटीत दरोडेखोरांनी गोपाल पालिवाल यांच्या पोटात चाकू खुपसला. त्यामुळे ते गंभीर जखमी झाले. हरीकुमारी पालिवाल यांच्या गळ्यातील मंगळसूत्र व कानातील दागिने हिसकावून घेतले. घरात असलेले ५५ पोते सोयाबीन घेऊन दरोडेखोरांनी पळ काढला. या घटनेची माहिती मिळताच पोलिसांनी तत्परता दाखविली. उपविभागीय पोलिस अधिकारी चव्हाण हे तातडीने घटनास्थळी दाखल झाले. तोपर्यंत कारंजा पोलिस स्टेशनचे ठाणेदार सुनील गाडे, एएसआय नीलेश मुंढे, मंगेश मिलके, किशोर कापडे यांनी घटनेचे गांभीर्य लक्षात घेता परिस्थितीवर नियंत्रण मिळविले. पोलिसांनी गुन्हा दाखल करून दरोडेखोरांचा शोध सुरू केला आहे.
नागपूर येथील नारायण पालिवाल यांचे कारंजा तालुक्यातील वाघोडा गावातील शेतात फार्म हाऊस आहे. आठवड्यातून एकदा ते या ठिकाणी येतात. त्यांचे पीक व शेतीचे उत्पन्न याच फार्महाऊसवर ठेवले असते. रविवारी मध्यरात्री दरम्यान दोन जणांनी त्यांचा दरवाजा ठोठावला. त्यांच्या मुलाने दरवाजा उघडताच पाच ते सहा जण अचानक तेथे आले. त्यांनी घरात शिरून धमकविण्यास व मारण्यास सुरुवात केली. यावेळी फार्महाऊसवर नारायण पालिवाल (वय ८०), पत्नी हरीकुमारी पालिवाल (वय ७०) व त्यांचा मुलगा गोपाल पालिवाल (वय ५०) हे हजर होते. झटापटीत दरोडेखोरांनी गोपाल पालिवाल यांच्या पोटात चाकू खुपसला. त्यामुळे ते गंभीर जखमी झाले. हरीकुमारी पालिवाल यांच्या गळ्यातील मंगळसूत्र व कानातील दागिने हिसकावून घेतले. घरात असलेले ५५ पोते सोयाबीन घेऊन दरोडेखोरांनी पळ काढला. या घटनेची माहिती मिळताच पोलिसांनी तत्परता दाखविली. उपविभागीय पोलिस अधिकारी चव्हाण हे तातडीने घटनास्थळी दाखल झाले. तोपर्यंत कारंजा पोलिस स्टेशनचे ठाणेदार सुनील गाडे, एएसआय नीलेश मुंढे, मंगेश मिलके, किशोर कापडे यांनी घटनेचे गांभीर्य लक्षात घेता परिस्थितीवर नियंत्रण मिळविले. पोलिसांनी गुन्हा दाखल करून दरोडेखोरांचा शोध सुरू केला आहे.
गाडीतील हवा सोडली, मोबाइल हिसकावले
पालिवाल कुटूंब हे चारचाकी वाहनाने आपल्या फार्महाऊसवर आले होते. दरोडा पडल्यानंतर दरोडेखोरांनी पालिवाल कुटुंब हे पोलिसांपर्यंत पोहचू नये यासाठी यांच्या चारचाकी वाहनाच्या चाकातील हवा सोडली. कुणाला संपर्क करू नये यासाठी त्यांचे मोबाइलसुद्धा हिसकावून नेले. पण पालिवाल कुटुंबाने मोठे धाडस दाखविले. गंभीर जखमी असलेल्या गोपाल पालिवाल यांनी हवा सोडलेले वाहन चालवित पोलिस ठाणे गाठले. आपल्यासोबत घडलेली हकीकत पोलिसांना सांगितली.