पुणेकरांनो, नववर्षाचे स्वागत जरा जपून! अन्यथा होणार कारवाई, शहरात जागोजागी पोलिसांची करडी नजर

३१ डिसेंबर रोजी वाइन शॉप मध्यरात्री एक वाजेपर्यंत; तसेच परमीट रूम आणि बार पहाटे पाच वाजेपर्यंत सुरू ठेवण्यास परवानगी देण्यात आली आहे. त्यामुळे शौकिनांना उशिरापर्यंत मद्यसेवन करता येणार आहे. मात्र, मद्यपान करून वाहन चालविल्यास कारवाई करण्याचा इशारा पोलिसांनी दिला आहे.
पुणेकरांनो…ख्रिसमस, थर्टी फर्स्टचं प्लॅनिंग करताय? मग ही बातमी तुमच्यासाठी, पोलिसांची करडी नजर
‘थर्टी फर्स्ट’च्या पार्ट्यांसाठी शहरात जय्यत तयारी सुरू झाली आहे. या पार्श्वभूमीवर रूफ टॉप हॉटेल, बंगले, बार, फार्म हाउसवर पोलिस आणि उत्पादन शुल्क विभागाची नजर आहे. मद्यपान करून वाहन चालवणाऱ्यांवर; तसेच जमाव करून गोंधळ घालणाऱ्यांवर कारवाई करण्यात येणार आहे.

…तर होणार कारवाई

थर्टी फर्स्टमुळे मद्याची वाढती मागणी लक्षात घेऊन अवैध मद्याचा वापर; तसेच विनापरवाना बाहेरील राज्यातून मद्य आणून त्याची खरेदी-विक्री रोखण्यासाठी भरारी पथके नेमण्यात आली आहेत. शहरासह नाशिक, सातारा, मुंबई, नगर आणि सोलापूर महामार्गांवर वाहनांची तपासणी करण्यात येत आहे. विनापरवाना मद्यसेवन करण्याऱ्या शौकिनांवरही कारवाई करण्यात येणार आहे.