ठाकरेंकडे मतं किती? संजय निरुपम यांचा सवाल; काँग्रेसची शून्यातून सुरुवात, संजय राऊतांचा टोला

आधी पार्थ पवारांना निवडून आणा, मग बाकी गप्पा; शरद पवार गटाच्या नेत्याचं अजितदादांना चॅलेंज
मुंबई काँग्रेसचे माजी खासदार संजय निरुपम यांनीही याबाबत नाराजी जाहीर केली. ‘गेल्या दोन वर्षांत महाराष्ट्रात जे काही घडले ते दुर्भाग्यपूर्ण आहेत. शिवसेनेसह राष्ट्रवादी काँग्रेसमध्ये उभी फूट पडली आहे. त्यामुळे शिवसेनेकडे नेमकी किती मते आहेत. हे सांगणे कठीण आहे. असे असतानाच जागेबाबत दावा करणे चुकीचे असल्याचे आहे,’ असे मत निरुमप यांनी व्यक्त केले.

पवारांचे कौतुक, ‘इंडिया’ आघाडीत सहभागासाठी काँग्रेसच्या उत्तराची प्रतीक्षा, वंचितचं पत्र

‘पक्ष फुटीवरून जागावाटप ठरत नाही’

आमचा पक्ष फुटला की नाही हे काँग्रेस ठरवू शकत नाही. आमदार, खासदार निवडून येतात, निघून जातात; पण त्यांना निवडून देणारा, पक्षाला मानणारा मतदार हा तिथेच आहे. शिवसेनेने आतापर्यंत कायम २३ जागा लढल्या असून, १८ खासदार निवडून आले आहेत. त्यातील काही निघून गेले असले तरी पक्षफुटीवरून जागावाटप ठरत नाही, अशा शब्दात शिवसेनेचे (ठाकरे गट) खासदार संजय राऊत यांनी काँग्रेसला सुनावले. मात्र, काँग्रेसला शून्यातून सुरुवात करायची आहे, असा टोलाही त्यांनी लगावला. त्याचवेळी २३ जागांबाबत आपण ठाम असल्याचे त्यांनी या वेळी जाहीर केले.

Read Latest Maharashtra Updates And Marathi News