पेट्रोल मिळणार नसल्याची अफवा, घाईघाईने पेट्रोल पंपाकडे जाताना अनर्थ, बाईकचा ताबा सुटला अन्…

हायवेवरील पंपावर गर्दी नसते म्हणून तो निघाला

मयत बाईकस्वार शिवशंकर मरगल सोमवारच्या रात्री ११:३० च्या सुमारास जुना विडी घरकूल, सग्गम नगर येथून पेट्रोल पंप बंद राहणार असल्याचे कळाल्याने रात्रीच बाईकमध्ये पेट्रोल भरण्यासाठी सोलापूर हैदराबाद महामार्गावर असलेल्या सोन्या मारुती पेट्रोल पंपाकडे चालला होता.शहरातील पेट्रोल पंपावर चिक्कार गर्दी आहे म्हणून शिवशंकर हायवे कडे सुसाट निघाला होता.सर्व्हिस रोडचा अंदाज न आल्याने अचानक त्याचा वाहनावरील ताबा सुटला आणि तो बाईकसह मुळेगाव तांड्याच्या अलिकडे असलेल्या नाल्यात जावून कोसळला.

एका हातात पुतण्या, दुसऱ्या हातात साप; काकाला रुग्णालयात पाहून सारे हादरले, अन् मग…
डोक्याला गंभीर मार लागला आणि तो बेशुद्ध झाला

शिवशंकर मरगल या दुचाकीधारकाच्या डोक्याला गंभीर मार लागला होता. घटनास्थळी तो बेशुद्ध अवस्थेत पडला होता. नाल्यात दुचाकी पडल्याने ये जा करणाऱ्या वाहनधारकांच्या लक्षात आले.त्यांनी शिवशंकरला बाहेर काढले व नातेवाईकांना माहिती दिली. या घटनेची वार्ता समजताचा नातलग नाल्याकडे धावले. बेशुद्धावस्थेत त्याला मंगळवारी रात्री १ वाजता त्याचा मेव्हणा भास्कर याने येथील शासकीय रुग्णायलात दाखल केले. डॉक्टरांनी तपासून त्याचा उपचारापूर्वीच मृत्यू झाल्याचे घोषित केले.
मयत शिवशंकर याच्या पश्चात पत्नी, दोन मुले असा परिवार आहे. एक मुलगी १२ वी दुसरा मुलगा इयत्ता ९ वीत शिकत असल्याचे त्याचे नातलग भास्कर म्हाडा यांनी सांगितले.

बीआरएस पक्षाचा धडाडीचा कार्यकर्ता पेट्रोलचा बळी

विडी घरकुल येथील बीआरएस पक्षाचे धडाडीचे कार्यकर्ता व माजी पालकमंत्री तथा भाजप आमदार विजयकुमार देशमुख यांचा कट्टर समर्थक म्हणून शिवा मरगल याची ओळख होती. सोलापूर शहरात तीन पेट्रोल बंद राहणार या अफवेन शिवाचा बळी गेला.शहरात पेट्रोल पंप बेमुदत बंद राहणार अशी अफवा पसरल्याने सर्वच जण आपल्या सोयीसाठी मिळेल त्या पेट्रोलपंपावर जाऊन आपल्या वाहनात पेट्रोल भरण्यासाठी पंप गाठत होते.शिवा देखील सोलापूर हैदराबाद रोड वरील गर्दी नसते म्हणून पेट्रोल भरण्यासाठी निघाला होता.पेट्रोल भरुन घराकडे येत असताना महामार्गावर सुरू असलेल्या रस्त्याच्या कडेला व्यवस्थित सर्व्हिस रोड न केल्याने कच्या रस्त्यावरून पक्क्या रस्त्यावर चढताना त्यांचा गाडीवरील तोल गेल्याने ते खाली फरफटत ब्रीजच्या खाली कोसळलं.आणि जीव गमावून बसला.शिवाच्या निधनाची माहिती कळताच बीआरएस पक्षाचे स्थानिक नेते माजी नगरसेवक नागेश वल्याळ, प्रभागातील भाजपाचे सामाजिक कार्यकर्ते तथा शिवा मरगल यांचे मित्र सतीश भरमशेट्टी यांच्यासह शिवा मरगल यांचं मित्रपरिवार त्यांच्या निवासस्थानी गर्दी केली होती.मंगळवारी रात्री उशिरा शिवावर अंतिम संस्कार करण्यात आले.