Tej Police Times
छत्रपती संभाजीनगरात पाणीपुरवठा पुन्हा विस्कळित, फारोळा जलशुद्धीकरण केंद्रात बिघाड झाल्याचा फटका
म. टा. प्रतिनिधी, छत्रपती संभाजीनगर: फारोळा जलशुद्धीकरण केंद्रात तांत्रिक बिघाड झाल्याने शहरातील पाणीपुरवठा बुधवारी विस्कळित झाला. जुन्या जलवाहिनीवरील गळत्यांच्या दुरुस्तीसाठी महापालिकेच्या पाणीपुरवठा विभागाने १० तासांचा शटडाउन घेतला होता. त्याचे काम सुरू असतानाच जलशुद्धीकरण केंद्राचा वीजपुरवठाही खंडित झाला.
शहराला सातशे व बाराशे मिलिमीटर व्यासाच्या दोन योजनांद्वारे पाणी पुरवठा केला जातो. दोन्ही योजनांचे आयुर्मान दहा वर्षापूर्वी संपले. पाण्याच्या वाढती मागणीमुळे अतिरिक्त दाब वाढतो. वाढती मागणी, जुनी जलवाहिनी यामुळे या वाहिन्या वारंवार फुटून पाणीपुरवठा विस्कळित होत आहे. अशा स्थितीत या योजनांद्वारे पाणीपुरवठा सुरळीत करणे अडचणीचे ठरते आहे. त्यातच जुन्या सातशे मिलिमीटर व्यासाच्या जलवाहिनीवर मोठी गळती लागली होती. या गळत्यांच्या दुरुस्तीसाठी सोमवारी १० तासांचा शट डाउन घेण्यात आला. यामुळे जुन्या व नवीन शहरातील पाणी वितरणाचे टप्पे एक दिवसाने पुढे ढकलण्यात आले. गळत्यांच्या दुरुस्तीनंतर मंगळवारी जलकुंभ पूर्ण क्षमतेने भरून पाणीपुरवठा सुरळीत करण्यात महापालिकेची यंत्रणा व्यस्त होती. त्याच मंगळवारी रात्री ९.४५ ते १०.४० वाजण्याच्या सुमारास फारोळा जलशुद्धीकरण केंद्राला वीजपुरवठा करणाऱ्या विद्युत वाहिनीत तांत्रिक बिघाड झाला. यामुळे जलशुद्धीकरण केंद्राची यंत्रणा बंद पडली. जायकवाडी धरणातून पाणी उपसा बंद करावा लागला. दुरुस्तीच्या प्रक्रिया तीन तासांचा वेळ गेला. त्यामुळे पाणी पुरवठ्याच्या वेळापत्रकावरही परिणाम झाला.
शहराला सातशे व बाराशे मिलिमीटर व्यासाच्या दोन योजनांद्वारे पाणी पुरवठा केला जातो. दोन्ही योजनांचे आयुर्मान दहा वर्षापूर्वी संपले. पाण्याच्या वाढती मागणीमुळे अतिरिक्त दाब वाढतो. वाढती मागणी, जुनी जलवाहिनी यामुळे या वाहिन्या वारंवार फुटून पाणीपुरवठा विस्कळित होत आहे. अशा स्थितीत या योजनांद्वारे पाणीपुरवठा सुरळीत करणे अडचणीचे ठरते आहे. त्यातच जुन्या सातशे मिलिमीटर व्यासाच्या जलवाहिनीवर मोठी गळती लागली होती. या गळत्यांच्या दुरुस्तीसाठी सोमवारी १० तासांचा शट डाउन घेण्यात आला. यामुळे जुन्या व नवीन शहरातील पाणी वितरणाचे टप्पे एक दिवसाने पुढे ढकलण्यात आले. गळत्यांच्या दुरुस्तीनंतर मंगळवारी जलकुंभ पूर्ण क्षमतेने भरून पाणीपुरवठा सुरळीत करण्यात महापालिकेची यंत्रणा व्यस्त होती. त्याच मंगळवारी रात्री ९.४५ ते १०.४० वाजण्याच्या सुमारास फारोळा जलशुद्धीकरण केंद्राला वीजपुरवठा करणाऱ्या विद्युत वाहिनीत तांत्रिक बिघाड झाला. यामुळे जलशुद्धीकरण केंद्राची यंत्रणा बंद पडली. जायकवाडी धरणातून पाणी उपसा बंद करावा लागला. दुरुस्तीच्या प्रक्रिया तीन तासांचा वेळ गेला. त्यामुळे पाणी पुरवठ्याच्या वेळापत्रकावरही परिणाम झाला.
नागरिकांची गैरसोय
दहा तासांच्या शटडाउनमुळे जुन्या शहरातील पाणीपुरवठा ठप्प झाला. त्यातच तीन तासांच्या तांत्रिक बिघाडामुळे अडचणीत भर पडली. पाणी वितरणाचे विस्कळित टप्पे सुरळीत करण्यासाठी रात्री उशिरापर्यंत पाणीपुरवठा विभागाचे प्रयत्न सुरू होते. बुधवारी पहाटे दोन वाजेपर्यंत जुन्या शहरातील वसाहतींना पाणीपुरवठा सुरू होता. पाणी भरण्यासाठी नागरिकांना रात्र जागून काढावी लागली.
नेमके काय घडले?
– मंगळवारी रात्री ९.४५ ते १०.४० वाजण्याच्या सुमारास फारोळा जलशुद्धीकरण केंद्राला वीजपुरवठा करणाऱ्या विद्युत वाहिनीत तांत्रिक बिघाड झाला. – यामुळे जलशुद्धीकरण केंद्राची यंत्रणा बंद पडली.
– जायकवाडी धरणातून पाणी उपसा बंद करावा लागला.
– दुरुस्तीच्या प्रक्रियेत तीन तासांचा वेळ गेल्याने पाणीपुरवठ्याच्या वेळापत्रकाला फटका