अंगाखांद्यावर खेळवलं, हाताची झोळी करुन झोपवलं, सर्वस्व देऊन वाढवलं; त्यानेच आज बापाला पेटवलं

By tejpolicetimes On Jan 4, 2024

परभणी: दारुसाठी पैसे देण्यास नकार दिल्याने रागाच्या भरात मुलाने चक्क बापाला पेट्रोल टाकून पेटवून संपविण्याचा प्रयत्न केल्याची बाब समोर आली आहे. बाप-लेकाच्या नात्याला काळिमा फासणारी ही दुर्दैवी घटना सेलू शहरातील लक्कडकोट भागात घडली आहे. आगीमुळे गंभीरित्या जखमी झालेल्या पित्याचे नाव बजरंग शहाणे असून पेटवून देणाऱ्या आरोपी पुत्राचे नाव अजय शहाणे असे आहे.

याविषयी सविस्तर माहिती अशी की, अजय शहाणे याला प्रचंड दारूचे व्यसन असून तो दररोज आपल्या वडिलांना दारूसाठी पैसे मागत असे. पोलिसांनी दिलेल्या माहितीनुसार अजय शहाणे हा दारू पिऊन धिंगाणा घालत असे, भांडणे करत असे, त्यामुळे घरातील सर्वजण वैतागले होते.

अशातच मंगळवारी रात्री साडेदहाच्या सुमारास अजयने आपल्या वडिलांना दारू पिण्यासाठी पैसे मागितले. पण घरची आर्थिक परिस्थिती एकदम जोखमीची असल्याने त्याच्या वडिलांकडे पैसे नव्हते. पैसे नसल्यामुळे वडील बजरंग शहाणे यांनी पैसे नसल्याचे मुलाला सांगितले. मग त्याने मला दारू पिण्यासाठी पैसे का देत नाही म्हणत वडिलांच्या अंगावर चक्क पेट्रोल टाकून त्यांना पेटवून दिले.

लव्ह मॅरेज अन् दोन महिन्यांची मुलगी; हसतं-खेळतं कुटुंब एका रात्रीत संपलं, एक चूक ठरली जीवघेणी
आजूबाजूला असलेल्या नागरिकांनी बजरंग शहाणे यांना लागलेल्या आगीतून वाचविण्याचा प्रयत्न केला. त्यांना लागलेली आग विझवली आणि सेलू येथील शासकीय रुग्णालयात त्यांना दाखल करण्यात आले. बजरंग शहाणे हे गंभीरित्या भाजलेले असल्याने त्यांना परभणी येथील शासकीय रुग्णालयातील जळीत विभागात रात्री उशिरा ऍडमिट करण्यात आले आहे.

बजरंग शहाणे यांची प्रकृती चिंताजनक आहे. दरम्यान, रात्री उशिरा सेलू पोलिसांनी बजरंग शहाणे यांनी दिलेल्या जबाबानुसार मुलगा अजय शहाणे याच्याविरुद्ध गुन्हा दाखल केला आहे.

सावित्रीला जिवंत करणारा सत्यवान, मृत्यूच्या दाढेतून बायकोला आणलं ओढून, डॉक्टरही हैराण
Read Latest Maharashtra News And Marathi News

Source link