थंडीत उकाड्याची जाणीव, मुंबईचा पारा आज-उद्यामध्ये चढण्याची शक्यता; या जिल्ह्यात सर्वाधिक तापमान

देशातील सर्वाधिक लांबीचा सागरी पूल, ‘अटल सेतू’चे आज पंतप्रधान मोदींच्या हस्ते उद्घाटन
गुरुवारपासून राज्यावरील प्रणाली निवळू लागल्याने हळूहळू किमान तापमानात घट होईल, असा अंदाज आहे. आज, शुक्रवारपासून धुकेही अनुभवायला येऊ शकते. तसेच आकाशही निरभ्र असेल. मध्य महाराष्ट्रात किमान तापमान सरासरीपेक्षा ३ ते ८ अंशांपर्यंत चढे आहे. मालेगावात गुरुवारी किमान तापमान सरासरीपेक्षा ८.२ अंशांनी अधिक नोंदले गेले. मराठवाड्यातही किमान तापमान सरासरीपेक्षा २.५ ते ५ अंशांनी जास्त आहे. कोकण वगळता उर्वरित राज्यात सरासरीहून किमान तापमान अधिक असले तरी किमान तापमानाचा पारा २० अंशांहून कमी आहे. कोकणात मात्र हा पारा २० अंशांहून अधिक आहे. पुढच्या आठवड्यात पश्चिमी प्रकोपानंतर उत्तरेकडून वारे वाहू लागले तर थंडीची जाणीव पुन्हा होऊ शकते, असे प्रादेशिक हवामान विभागाने सांगितले आहे.

सर्वाधिक तापमान रत्नागिरीत

राज्यात गुरुवारी सर्वाधिक कमाल आणि किमान तापमान रत्नागिरी येथे नोंदले गेले. रत्नागिरी येथे कमाल तापमानाचा पारा ३४.२ होता, तर किमान तापमान २३.७ अंश सेल्सिअस होते. गोव्यात पणजी येथे कमाल तापमानाचा पारा ३५.२ अंश सेल्सिअस होता. राज्यातील बहुतांश भागांमध्ये किमान तापमानात सध्या मोठी वाढ झाली आहे.
महाराष्ट्र हादरला! तलावात बुडून दोन सख्ख्या भावांसह चार चिमुकल्यांचा मृत्यू; नातेवाइकांचा टाहो