पुण्यात स्वामी नारायण मंदिराच्या कमानीत ट्रक शिरला; वाहनांचं मोठं नुकसान, एक गंभीर जखमी

पुणे: पुण्यातील नवले पुलाची अपघाताची मालिका ही सगळ्यांना नोंद आहे. नवले पुलालगत स्वामी नारायण मंदिर ते भूमकर चौक या ठिकाणी सतत अपघात होत असतात. आज देखील एक विचित्र अपघात स्वामी नारायण मंदिराजवळ घडला आहे. एक ट्रक चालक दारू पिऊन ट्रक चालवत असल्याने त्याचं ट्रकवरच नियंत्रण सुटलं. त्यामुळे ट्रक थेट मंदिराच्या कमानीत शिरला.
भंडार्लीत कचऱ्याला मोठी आग; नियंत्रण मिळविण्यासाठी शर्थीचे प्रयत्न सुरू, धुराचे लोट गावात
मिळालेल्या माहितीनुसार, या अपघातात एक चारचाकी आणि दुचाकीच मोठं नुकसान झालं आहे. सुदैवाने या अपघातात कोणतीही जीवितहानी झाली नसून एक जण जखमी झाला असल्याची माहिती भारती विद्यापीठ पोलीस स्टेशन मधून कळत आहे. कात्रज चौका पासून ते नवले पुलापर्यंत सर्विस रोडने ट्रक चालक भरधाव वेगात ट्रक घेऊन जात असतात.

आमच्या नादाला लागू नका, ओबीसींच्या आरक्षणाचं महाभारत आम्हीच जिंकू; बीडच्या सभेत पडळकर गरजले

ट्रक ड्रायव्हरचे ट्रकवरील नियंत्रण सुटून एका कारला धडक देत ट्रक थेट स्वामीनारायण मंदिराच्या कमानीमध्ये घुसला. घटनास्थळी भारती विद्यापीठ पोलीस स्टेशनचे पोलीस पोहचून पंचनामा करण्याचे काम करत आहे. ट्रकचालकाला ताब्यात घेतले असून त्याच्यावर पुढील कारवाई केली जात आहे.