करूळ घाटातील रस्ता दुपदरीकरणाचे काम युद्धपातळीवर; घाट वाहतुकीसाठी २२ तारखेपासून बंद

डोंगराकडील बाजूचे रुंदीकरण व दरीकडील बाजूच्या संरक्षण भिंत बांधण्याचा विचार करता चालू कामांमध्ये एकेरी वाहतूक ठेवणे हे सुरक्षेच्या दृष्टीने धोकादायक होणार आहे. तरी करूळ घाटातील रस्ता दुपदरीकरणाचे काम रात्रंदिवस करताना विना अडथळा होण्याकरता हा मार्ग २२ जानेवारीपासून पूर्णवेळ बंद ठेवण्याचा निर्णय जिल्हा प्रशासन घेत आहे.

पर्यायी मार्ग पुढीलप्रमाणे आहेत. प्रवासी व अवजड वाहतूकीसाठी तरळे – फोंडाघाट – राधानगरी – कोल्हापूर, प्रवासी वाहतूकीसाठी तरळे – भुईबावडा – कोल्हापूर, प्रवासी व अवजड वाहतूकीसाठी तरळे – वैभववाडी – अनुस्कुरा – कोल्हापूर या मार्गाने वाहतूक करावी.पर्यायी वाहतूक मार्ग लोकांच्या निदर्शनास आणून देण्यासाठी दिशादर्शक फलक, वाहतूक संकेत चिन्हे, लोकांना समजेल अशा भाषेत लावण्याचे व उभारण्याची कार्यवाही करावी असे ही पत्रात जिल्हाधिकारी यांनी म्हटले आहे.