Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
६ वर्षांच्या चिमुकलीचं अपहरण, १६ तासांनी झुडपात मृतदेह; PM रिपोर्टनंतर धक्कादायक अहवाल, मुदखेडमध्ये संतापाची लाट
नांदेड : नांदेडमध्ये अतिशय धक्कादायक घटना समोर आली आहे. बेपत्ता असलेल्या एका सहा वर्षीय चिमुकलीचा मृतदेह घटनेच्या १६ तासानंतर गावाच्या १२ किलोमीटर दूर काटेरी झुडपात आढळला होता. याप्रकरणी आता माहिती समोर आली आहे. आरोपींनी त्या चिमुकलीचे अपहरण करून तिच्यावर अत्याचार करुन नंतर तिची हत्या केल्याची बाब समोर आली आहे.
मृत चिमुकली ही मुदखेड तालुक्यातील रहिवासी आहे. गावातील जिल्हा परिषद शाळेत इयत्ता पहिलीत ती शिकत होती. मुलीचे आई-वडील मोलमजुरी करतात. रविवारी सायंकाळपासून ती बेपत्ता होती. रात्री उशिरापर्यंत घरी न आल्याने कुटुंबियांनी तिचा शोध घेतला होता. पण ती कुठेही सापडली नाही. दरम्यान, सोमवारी सकाळी साडे सातच्या सुमारास मुदखेड शहरापासून काही अंतरावर असलेल्या रस्त्याच्या कडेला एका झुडपात त्या चिमुकलीचा मृतदेह आढळून आला.
मृत चिमुकली ही मुदखेड तालुक्यातील रहिवासी आहे. गावातील जिल्हा परिषद शाळेत इयत्ता पहिलीत ती शिकत होती. मुलीचे आई-वडील मोलमजुरी करतात. रविवारी सायंकाळपासून ती बेपत्ता होती. रात्री उशिरापर्यंत घरी न आल्याने कुटुंबियांनी तिचा शोध घेतला होता. पण ती कुठेही सापडली नाही. दरम्यान, सोमवारी सकाळी साडे सातच्या सुमारास मुदखेड शहरापासून काही अंतरावर असलेल्या रस्त्याच्या कडेला एका झुडपात त्या चिमुकलीचा मृतदेह आढळून आला.
आरोपींनी त्या निरागस चिमुकलीवर अत्याचार करून तिची हत्या केली. त्यानंतर गावापासून १२ किलोमीटर दूर एका काटेरी झुडपात मृतदेह फेकून दिला होता. घटनेची माहिती मिळताच पोलीस अधिकाऱ्यांनी घटनास्थळी धाव घेतली. चिमुकलीचा मृतदेह शवविच्छेदनासाठी नांदेडला पाठविण्यात आला. या प्रकरणी मुदखेड पोलीस ठाण्यात रात्री उशिरा गुन्हा दाखल करण्यात आला. आरोपींनी चिमुकलीवर अत्याचार केल्याची बाब शवविच्छेदन अहवालात समोर आली आहे. या घटनेनंतर संतप्त व्यक्त केला जात आहे.
दुचाकीवर आलेले दोघे कोण?
दरम्यान, रविवारी सायंकाळी मृत चिमुकली ही गावातील शाळेच्या मैदानावर खेळत होती. ४ वाजताच्या सुमारास दोन जण दुचाकीवर आले आणि तिला गाडीवर बसून नेलं असं ग्रामस्थानी सांगितलं. गावातील एका घरावर असलेल्या सीसीटीव्ही कॅमेरात काही क्षणासाठी दुचाकीवर जाणारे दोघेजण कैद झाल्याची माहिती आहे. त्यानुसार पोलीस आरोपीचा शोध घेत आहेत. गावात पोलीस अधिकारी तळ ठोकून आहेत.
व्हिडीओ दाखवले, घटना मांडली, अध्यक्षांना कोंडीत पकडलं, अनिल परब यांच्याकडून निकालाची चिरफाड
मानवतेला कलंकित करणारी घटना : रामदास आठवले
केंद्रीय सामाजिक न्याय आणि सशक्तीकरण राज्यमंत्री रामदास आठवले आज नांदेड जिल्हा दौऱ्यावर आले होते. या घटनेबाबत ते म्हणाले, ही घटना मानवतेला कलंकित करणारी आहे. अशा लोकांना फाशीची शिक्षा व्हावी. या घटनेबद्दल मी नांदेडच्या पोलीस अधिक्षकांची बोलणार असल्याचं त्यांनी सांगतिलं.
मुदखेडमध्ये संतापाची लाट
दरम्यान, मुदखेड तालुक्यातील हत्या झालेल्या सहा वर्षीय बालिकेच्या कुटुंबाची मंगळवारी माजी मुख्यमंत्री अशोक चव्हाण यांनी भेट घेतली. या घटनेमुळे पीडित कुटुंबासह संपूर्ण परिसरातील गावकर्‍यांमध्ये दुःख आणि संतापाची लाट आहे.
पोलीस प्रशासनाने आरोपींना लवकरात लवकर अटक करावी, तसंच हा खटला द्रुतगतीने चालवून हत्येची क्रुरता आणि अमानुषता पाहता आरोपींना कठोर, फाशीची शिक्षा होईल, यादृष्टीने आरोपपत्र दाखल करावे, अशी मागणी अशोक चव्हाण यांनी केली.