भगवी वस्त्रे आणि गळ्यात रुद्राक्षाची माळ…; काळाराम मंदिरात उद्धव ठाकरेंच्या हस्ते महाआरती

त्यानंतर उद्धव ठाकरे यांनी नाशिकच्या काळाराम मंदिरात जाऊन महाआरती केली. यावेळी पदाधिकारी आणि कार्यकर्ते मोठ्या संख्येने उपस्थित होते. दरम्यान उद्धव ठाकरे काळाराम मंदिर परिसरात दाखल होताच कार्यकर्त्यांनी त्यांच्यावर पुष्पवृष्टी केली. पूर्वेकडील महाद्वारातून काळाराम मंदिरात प्रवेश केला. सर्वप्रथम त्यांनी हनुमानाचे दर्शन घेतले. यानंतर त्यांनी भगवान श्रीरामाचे दर्शन घेतले. उद्धव ठाकरे यांच्या हस्ते महापूजा आणि महाआरती करण्यात आली. काळाराम मंदिर परिसरात मोठा पोलीस बंदोबस्त तैनात करण्यात आला आहे. यावेळी उद्धव ठाकरे यांनी भगवी वस्त्रे आणि गळ्यात रुद्राक्षाची माळ घातली होती.