Tej Police Times
BJP प्रवेशाच्या चर्चा मुलीच्या होत्या, माझ्या नव्हे, ऐकून घ्यायच्या आधीच निलंबन: डॉ. पाटील
जळगाव : आजपर्यंत काँग्रेस पक्षात निष्ठेने काम करीत असतांना मी अद्याप कुठल्याही पक्षात गेलो नसतांना देखील मला, माझी पत्नी डॉ. वर्षा पाटील व देवेंद्र मराठे यांना पक्षाने आज निलंबित केल्याचे पत्र पाठवल्याची माहिती डॉ. उल्हास पाटील यांनी सायंकाळी पत्रकार परिषदेत दिली. भाजपात जाण्याची चर्चा माझी मुलगी केतकी हीची आहे. मात्र, पक्षाने माझ्याशी कुठलीच चर्चा न करता एकाधिकारशाही प्रमाणे पक्षातून काढून टाकले आहे, त्यामुळे नाईलाने मला वेगळा विचार करावा लागेल असेही ते म्हणाले.
दुपारी भाजप प्रवेशाचा दुजोरा देणाऱ्या डॉ. पाटील यांनी सायंकाळच्या पत्रकार परिषदेत घुमजाव करीत अद्याप निर्णय झालेला नाही, दोन दिवस वाट बघा असे पत्रकारांना सांगितले. यावेळी त्यांनी वरिष्ठांच्या सांगण्यानुसार काँग्रेस पक्षाच्या कार्यक्रमांचे आयोजन केले, अनेकांची पाण्याच्या बाटल्यांपासून जेवणाची सोय केल्याचेही बोलून दाखविले. तसेच यावेळी त्यांनी नरेंद्र मोदी यांच्या नेतृत्वाचे कौतुक देखील केले.
दुपारी भाजप प्रवेशाचा दुजोरा देणाऱ्या डॉ. पाटील यांनी सायंकाळच्या पत्रकार परिषदेत घुमजाव करीत अद्याप निर्णय झालेला नाही, दोन दिवस वाट बघा असे पत्रकारांना सांगितले. यावेळी त्यांनी वरिष्ठांच्या सांगण्यानुसार काँग्रेस पक्षाच्या कार्यक्रमांचे आयोजन केले, अनेकांची पाण्याच्या बाटल्यांपासून जेवणाची सोय केल्याचेही बोलून दाखविले. तसेच यावेळी त्यांनी नरेंद्र मोदी यांच्या नेतृत्वाचे कौतुक देखील केले.
डॉ. उल्हास पाटील यांच्यासह तिघांची काँग्रेसमधून, सहा वर्षांसाठी निलंबनाची कारवाई
काँग्रेस नेत्या सोनिया गांधी परिवाराशी निकटवर्तीय असलेले जळगाव जिल्ह्यातील काँग्रेसचे जेष्ठ नेते माजी खासदार डॉ. उल्हास पाटील यांचे आज दिनांक २२ जानेवारी २०२३ रोजी काँग्रेस पक्षाचे प्रदेशाध्यक्ष आ. नाना पटोले यांनी ६ वर्षासाठी निलंबित केले आहे.
डॉ. उल्हास पाटील यांच्यासह कन्या डॉ. केतकी पाटील या बुधवारी भाजपा पक्षात प्रवेश करणार असल्याचे निश्चित झाले आहे. या पार्श्वभूमीवर जेष्ठ नेते डॉ. उल्हास पाटील यांची काँग्रेस पक्षातून निलंबन केल्याची बातमी समोर आली आहे. दरम्यान, उल्हास पाटील यांच्यासह त्यांच्या पत्नी डॉ. वर्षा पाटील व काँग्रेसचे युवक जिल्हाध्यक्ष देवेंद्र मराठे यांचेही काँग्रेसमधून निलंबन करण्यात आले आहे. देवेंद्र मराठे देखील भाजपात प्रवेश करणार आहेत. प्रदेशाध्यक्ष नाना पटोले यांच्या निर्देशानुसार पक्षातून ६ वर्षासाठी निलंबित करण्यात आल्याचे पत्र काँग्रेसचे प्रदेश उपाध्यक्ष नाना गावंडे यांनी काढले आहे.