Tej Police Times
युवक काम आटपून घरी निघाला; वाटेतच अंधाराने घात केला, कुटुंबावर दु:खाचा डोंगर
बुलढाणा: सध्या अनेक ठिकाणी अंतर्गत रस्त्याचे काम मोठ्या प्रमाणात सुरू आहे. त्यात ठेकेदाराच्या दुर्लक्षामुळे सूचना सावधानतेचे फलक लावण्यात आले नाही आहे. त्याचाच एक बळी बुलढाणा जिल्ह्यातील मोताळा तालुक्यात गेला आहे. भरधाव दुचाकीचा अपघात झाल्याने २५ वर्षीय युवकाचा मृत्यू झाला.
मिळालेल्या माहितीनुसार, ही घटना २१ जानेवारी रोजी रात्री मोताळा येथील ग्रामीण रुग्णालयासमोर निर्माणाधीन पुलाजवळ घडली. शे. अनसार असे मृतक युवकाचे नाव आहे. मोताळा तालुक्यातील कोथळी येथील शे. अनसार शे. मुसा हा २१ जानेवारी रोजी कामानिमित्त मोताळा येथे आला होता. येथील ग्रामीण रुग्णालयासमोर पुलाचे काम सुरू आहे. त्यामुळे रस्त्यावर पुलाच्या दोन्ही बाजूंनी मध्य भागापर्यंत मुरुमाचा आडवा बांध टाकण्यात आलेला होता.
मिळालेल्या माहितीनुसार, ही घटना २१ जानेवारी रोजी रात्री मोताळा येथील ग्रामीण रुग्णालयासमोर निर्माणाधीन पुलाजवळ घडली. शे. अनसार असे मृतक युवकाचे नाव आहे. मोताळा तालुक्यातील कोथळी येथील शे. अनसार शे. मुसा हा २१ जानेवारी रोजी कामानिमित्त मोताळा येथे आला होता. येथील ग्रामीण रुग्णालयासमोर पुलाचे काम सुरू आहे. त्यामुळे रस्त्यावर पुलाच्या दोन्ही बाजूंनी मध्य भागापर्यंत मुरुमाचा आडवा बांध टाकण्यात आलेला होता.
शे. अनसार हा कॉटन मार्केट रोडवरून परत येत असताना रात्रीची वेळ होती. त्यामुळे पुलावर आडवा टाकलेला मुरुमाचा बांध त्याला अंधारात दिसला नाही. त्या बांधावरून शे. अनसारची दुचाकी जोरात आदळली. त्यानंतर दुचाकीवरील अनसार खाली फेकला गेल्याने त्याच्या डोक्याला जबर मार लागून तो गंभीर जखमी झाले. या घटनेची माहिती मिळताच बोराखेडी ठाणेदार सारंग नवलकर, नापोकॉ विजय पैठणे, पोकॉ अभिनंदन शिंदे, दीपक पवार यांनी घटनास्थळी धाव घेत अपघातातील जखमीला नागरिकांच्या मदतीने उपचारासाठी बुलढाणा येथे हलविले. तेथे डॉक्टरांनी तपासून त्याला मृत घोषित केले.
मोताला येथील ग्रामीण रुग्णालयासमोर पुलाचे काम सुरू आहे. त्यामुळे त्याठिकाणी मुरुमाचा आडवा बांध टाकण्यात आलेला आहे. याठिकाणी संबंधितांनी काम सुरू असल्याचे कोणतेही फलक लावलेले नाही. तसेच रात्रीची वेळ असल्याने मुरुमाचा आडवा बांध या दुचाकी चालकास दिसला नसल्याने हा अपघात घडला आहे. रस्त्याचे काम चालू असल्याचे फलक लावलेले असते तर दुचाकीचा अपघात घडला नसता. दुचाकी चालकाचे प्राण वाचले असते, असे सांगत मृतकाच्या नातेवाइकांनी संबंधित ठेकेदारावर रोष व्यक्त केला आहे. या अपघातानंतर चौकशी करुन दोशींवर कारवाई करू, असे पोलिसांनी सांगितले आहे.