वैभववाडीत उद्धव ठाकरे गटाला धक्का; नगरसेवक आणि पदाधिकाऱ्यांसह शेकडो कार्यकर्ते भाजपात

बाळासाहेब ठाकरे यांच्या जयंती दिनानिमित्त आम्ही उद्धव ठाकरे यांनी घेतलेल्या प्रवेशाची परतफेड केली पाहिजे असल्याची प्रतिक्रिया नितेश राणे यांनी दिली. तसेच वैभववाडी शहराच्या विकासात आणि सामाजिक वाटचालीत एक विधायक दृष्टिकोन ठेवून या सर्वांनी प्रवेश केलेला आहे. येत्या काळात पंतप्रधान नरेंद्र मोदी, उपमुख्यमंत्री देवेंद्र फडणवीस, केंद्रीय मंत्री नारायण राणे, पालकमंत्री रवींद्र चव्हाण यांच्या नेतृत्वात वैभववाडीचा विकास साधण्यासाठी आम्ही एकत्र काम करणार आहोत, असे नितेश राणे म्हणाले.

यावेळी नितेश राणे यांनी नगरसेविका दर्शना संतोष पवार, माजी नगराध्यक्ष संजय चव्हाण, माजी नगराध्यक्ष दीपा गजोबार, माजी नगरसेवक संतोष पवार, माजी नगरसेवक रवींद्र तांबे, दीपक गजोबार, आदित्य चव्हाण, वार्ड अध्यक्ष राजेंद्र गजोबार, श्रेयस नेवरेकर, उत्तम निकम, गोपाळ नगर अध्यक्ष संतोष निकम आदींसह शेकडो शिवसेना उद्धव बाळासाहेब ठाकरे पक्षाच्या कार्यकर्त्यांनी भाजपात स्वागत केले. यावेळी भाजपचे वैभववाडी तालुकाध्यक्ष नासीर काझी, जिल्हा सरचिटणीस भालचंद्र साठे, बँक संचालक दिलीप रावराणे, एडगांव सोसायटी चेअरमन सुनील रावराणे आदींसह भाजप पदाधिकारी उपस्थित होते.