Tej Police Times
दृष्टी आव्हानित विद्यार्थ्यांसाठी हजारो पुस्तकांचं रेकॉर्डिंग, टीम व्हिजनचे ऑडिओ लायब्ररी अॅप
मुंबई : ऑडिओ लायब्ररी अर्थात ध्वनिमुद्रित वाचनालयाच्या ‘टीम व्हिजन ऑडिओ लायब्ररी’ या अॅपचे नुकतेच अनावरण झाले असून ते गुगल ॲप स्टोअवर उपलब्ध आहे. या अॅपद्वारे हजारो दृष्टी आव्हानित विद्यार्थ्यांना हजारो पुस्तके ध्वनिमुद्रित स्वरूपात विनामूल्य उपलब्ध असतील.
यात केवळ शैक्षणिक अभ्यासक्रम नसून कविता, कादंबऱ्या, ललित, दिवाळी अंक अशा सर्व प्रकारच्या साहित्याची लयलूट असणार आहे. टीम व्हिजन फाउंडेशन ही दृष्टी आव्हानीत (अंध) विद्यार्थ्यांना त्यांच्या दैनंदिन जीवनात येणाऱ्या अडचणींवर मात करून पुढे जाण्यासाठी सुरु केलेली एक संस्था आहे. गेली १० वर्षे लेखनिक, वाचक, ध्वनीमुद्रण, गिर्यारोहण, सांस्कृतिक कार्यक्रम, संवाद शिबिर, कौशल्य आणि व्यक्तिमत्व विकास अश्या विविध उपक्रमांच्या माध्यमातून ही संस्था कार्यरत आहे.
यात केवळ शैक्षणिक अभ्यासक्रम नसून कविता, कादंबऱ्या, ललित, दिवाळी अंक अशा सर्व प्रकारच्या साहित्याची लयलूट असणार आहे. टीम व्हिजन फाउंडेशन ही दृष्टी आव्हानीत (अंध) विद्यार्थ्यांना त्यांच्या दैनंदिन जीवनात येणाऱ्या अडचणींवर मात करून पुढे जाण्यासाठी सुरु केलेली एक संस्था आहे. गेली १० वर्षे लेखनिक, वाचक, ध्वनीमुद्रण, गिर्यारोहण, सांस्कृतिक कार्यक्रम, संवाद शिबिर, कौशल्य आणि व्यक्तिमत्व विकास अश्या विविध उपक्रमांच्या माध्यमातून ही संस्था कार्यरत आहे.
आजवर टीम व्हिजनने ८०० हून अधिक दृष्टी आव्हानित मित्र मैत्रिणींना आरोग्य, शिक्षण, व्यवसाय, कला, क्रीडा, मनोरंजन अशा अनेक माध्यमातून सहकार्य केले आहे.
ध्वनिमुद्रित वाचनालयाच्या माध्यमातून ८२० विविध विषयांवरील पुस्तके, कादंबऱ्या, काव्य संग्रह यांचे ध्वनिमुद्रण दृष्टी आव्हानित वाचकांसाठी विनामूल्य उपलब्ध आहेत.
पदवीधर विद्यार्थ्यांना कामाचा अनुभव मिळण्याच्या दृष्टीने प्रशिक्षुत्व (इंटर्नशिप) उपक्रम ही चालविला जातो. जेणे करून दृष्टी आव्हानित पदवीधरांना या अनुभवाच्या जोरावर खाजगी क्षेत्रातही रोजगाराची संधी उपलब्ध होईल.
समाजात अंधत्वाबद्दल असलेल्या गैरसमजुती दूर करून समाज प्रबोधन करणाऱ्या कार्यशाळांचे आयोजनही टीम व्हिजनच्या माध्यमातून केले जाते.
सोसायटी नोंदणी अधिनियम, १८६० अंतर्गत टीम व्हिजन फाउंडेशन ही नोंदणीकृत संस्था आहे. प्रत्येक दृष्टी आव्हानित व्यक्ती स्वावलंबी व्हावी आणि त्यांना समाजात समान संधी मिळावी या उद्देशाने टीम व्हिजन कार्यरत आहे.
संदेश भिंगार्डे 9757088108
संस्थापक, अध्यक्ष
प्रज्ञा पटेल 9820853558
सह-संस्थापिका, उपाध्यक्षा
teamvision.vcs@gmail.com