भाजपसोबत युतीत एक जागा, आता नगरच्या दोन्ही जागांवर शिवसेनेचा दावा, राष्ट्रवादी सीट सोडणार?

अहमदनगरची जागा राष्ट्रवादी काँग्रेसच्या शरद पवार गटाकडे आहे. तरीही शिवसेनेकडून त्यावर दावा केला जात असल्याने महाविकास आघाडीची डोकेदुखी वाढणार आहे.

शिवसेनेचे प्रवक्ते संजय राऊत यांच्या उपस्थितीत ठाकरे गट शिवसेनेचा मेळावा २८ जानेवारीला होणार आहे. त्याच्या नियोजनासाठी शहरातील पदाधिकार्‍यांची बैठक आमदार शिंदे यांनी शासकीय विश्रामगृहावर घेतली. यावेळी शहर प्रमुख संभाजी कदम, माजी महापौर भगवान फुलसौंदर, युवा सेना राज्य सहसचिव विक्रम राठोड, बाळासाहेब बोराटे, अनिल बोरुडे उपस्थित होते.

उद्धव ठाकरेंचा दणका, भाजप-संघातील ११ नेत्यांचा ‘मातोश्री’वर पक्षप्रवेश
यानंतर बोलताना आमदार शिंदे म्हणाले, लोकसभेच्या शिर्डी मतदारसंघात मागील निवडणुकीत शिवसेना ठाकरे गटाचा उमेदवार उभा होता. त्यामुळे ती जागा आमचीच आहे. याशिवाय दक्षिण लोकसभा मतदार संघाची जागाही आम्ही महाविकास आघाडीकडे मागणार आहोत. नगर दक्षिणेतून लढण्यासाठी आमच्याकडे तीन वजनदार नावे आहेत. महायुती विरोधकांना टेन्शन देणारी ही नावे आहेत. आघाडीतील जागा वाटपानंतर ती नावे जाहीर केली जातील, असेही त्यांनी सांगितले.

राजकारणात विरोधक, पण माणुसकी आधी; स्टॅलिन चालताना घसरले, मोदींनी हात देत सावरलं, पाहा व्हिडिओ
पक्षाचे नवे उपनेते साजन पाचपुते हे पक्षात नवे असून, सध्या संघटनेचे कामकाज समजून घेत आहेत. त्यांच्यासह पक्षातील जे आमच्यासोबत आहेत, त्या सर्वांवर आमचा विश्वास आहे. ते सर्वजण सक्षम आहेत व त्यांच्यावर भरवसाही आहे, असेही आमदार शिंदे म्हणाले. मागील दीड वर्षांपासून माझ्यावर संपर्क प्रमुखाची जबाबदारी आहे, पण माझे काहीसे जिल्ह्याकडे दुर्लक्ष झाले, अशी कबुलीही त्यांनी दिली.

लोढांना ९ वर्ष जुन्या गाडीने येताना पाहिलं, अन् माझा निर्णय बदलला, सत्यजीत तांबेंचा किस्सा
विधानसभा निवडणुकीसंबंधी ते म्हणाले, विधानसभा निवडणुकीत नगर शहर व पारनेर या जागा पूर्वीपासून आम्ही लढवत आहोत. आता जिल्ह्यातील अन्य जागांवरही चाचपणी सुरू आहे. यावेळी श्रीरामपूरची जागा लढवण्याचा आग्रहक कार्यकर्त्यांनी केला आहे.

Read Latest Maharashtra News Updates And Marathi News