दुर्दैवी…! गर्भवती पत्नीला भेटण्यासाठी गेला; परतताना पतीवर काळाचा घाला, कुटुंबाचा आक्रोश

नागपूर: गर्भवती पत्नीला भेटून परतणाऱ्या पतीवर काळाने झडप घातली. भरधाव एसयुव्ही रस्ता दुभाजकावर आदळून उलटल्याने युवक ठार झाला. ही घटना कपिलनगर पोलीस ठाण्याच्या हद्दीतील उप्पलवाडी रेल्वेपुलाजवळ घडली. वैभव हर्षवर्धन मानेकर (२८,रा. मॉर्डन टाउन, पांजरा,भिलगाव) असे मृतकाचे नाव आहे. तो खासगी काम करायचा.
मोठी बातमी : मनोज जरांगे यांच्या आझाद मैदानावरील आंदोलनाला परवानगी नाकारली!
पोलिसांनी दिलेल्या माहितीनुसार, वैभवचे वडील हर्षवर्धन हे डॉक्टर आहेत. वैभवची पत्नी गर्भवती असून, ती माहेरी गेली आहे. बुधवारी रात्री ८ वाजताच्या सुमारास वैभव हा एसयूव्हीने पत्नीला भेटण्यासाठी बेझनबाग येथे गेला. गुरुवारी पहाटे तो एसयूव्हीने घरी परत येत होता. एसयूव्ही वेगात होती. उप्पलवाडी परिसरात एसयूव्ही रस्ता दुभाजकाला धडक देऊन उलटली. जखमी होऊन वैभवचा मृत्यू झाला.

एका मांडीवर अजित पवार, दुसऱ्या मांडीवर हसन मुश्रीफ अन् खांद्यावर प्रफुल पटेलांना बसवलं : संजय राऊत

घटनेची माहिती मिळताच पोलिसांचा ताफा तेथे पोहोचला. त्याच्याकडील दस्तऐवजावरून ओळख पटली. पोलिसांनी पंचनामा करून पोलिसांनी मृतदेह हॉस्पिटलकडे रवाना केला. कपिलनगर पोलिसांनी प्राणांतिक अपघाताचा गुन्हा दाखल करून तपास सुरू केला आहे.