Tej Police Times
दोन कोटींचा धान घोटाळा उघड; मुंढरीच्या शारदा सहकारी संस्थेच्या संचालक मंडळाविरुद्ध गुन्हा
म. टा. वृत्तसेवा, भंडारा : शेतकऱ्यांकडून खरेदी केलेल्या धानाची अफरातफर करून सुमारे दोन कोटी रुपयांचा घोटाळा करण्यात आल्याचे गुरुवारी उघडकीस आले. याप्रकरणी मोहाडी तालुक्यातील मुंढरी येथील शारदा सुशिक्षित बेरोजगार सहकारी संस्थेचे अध्यक्ष आणि संचालक मंडळाविरुद्ध करडी पोलिस ठाण्यात गुन्हा नोंदविण्यात आला आहे.
काय आहे प्रकरण?
मुंढरी येथे शारदा सुशिक्षित बेरोजगार सहकारी संस्थेला धान खरेदीची मंजुरी मिळाली होती. या संस्थेने २०२१-२२मध्ये खरीप आणि रब्बी हंगामात प्रत्यक्षात शेतकऱ्यांकडून २५ हजार ४८२.४० क्विंटल धान खरेदी केले होते. मात्र डीओप्रमाणे १८ हजार ९१७.९४ क्विंटल धान मिलर्सना दिले. उर्वरित ६ हजार ५६४.४६ क्विंटल धान मिलर्सना न देता अफरातफर केली. यावरून संस्थेच्या पदाधिकाऱ्यांनी शासन आणि पणन विभागाची १ कोटी ९१ लाख २ हजार ५७८ रुपयांची फसवणूक केल्याचे स्पष्ट झाले. याप्रकरणी जिल्हा पणन अधिकारी सुधीर पाटील यांनी पोलिसांत तक्रार दाखल केली होती. या तक्रारीची आर्थिक गुन्हे शाखेकडून पडताळणी केली असता सदर घोटाळा झाल्याचे स्पष्ट झाले.
काय आहे प्रकरण?
मुंढरी येथे शारदा सुशिक्षित बेरोजगार सहकारी संस्थेला धान खरेदीची मंजुरी मिळाली होती. या संस्थेने २०२१-२२मध्ये खरीप आणि रब्बी हंगामात प्रत्यक्षात शेतकऱ्यांकडून २५ हजार ४८२.४० क्विंटल धान खरेदी केले होते. मात्र डीओप्रमाणे १८ हजार ९१७.९४ क्विंटल धान मिलर्सना दिले. उर्वरित ६ हजार ५६४.४६ क्विंटल धान मिलर्सना न देता अफरातफर केली. यावरून संस्थेच्या पदाधिकाऱ्यांनी शासन आणि पणन विभागाची १ कोटी ९१ लाख २ हजार ५७८ रुपयांची फसवणूक केल्याचे स्पष्ट झाले. याप्रकरणी जिल्हा पणन अधिकारी सुधीर पाटील यांनी पोलिसांत तक्रार दाखल केली होती. या तक्रारीची आर्थिक गुन्हे शाखेकडून पडताळणी केली असता सदर घोटाळा झाल्याचे स्पष्ट झाले.
यावरून संस्थेचे अध्यक्ष अभिजित एकनाथ चौरागडे, संचालक विलास मारोती शेंडे, नितेश सरोज शेंडे, उमेश रवींद्र मेश्राम, निलेश विठ्ठल आस्वले, श्रीकांत श्रीकृष्ण देव्हारे, पवन धनराज राऊत, राकेश धनराज गोमासे, आशिष पांडुरंग शहारे, हितेंद्र नेतराम बारेवार, गजेंद्र एकनाथ चौरागडे व दोन महिला संचालिकांविरुद्ध भादंविच्या कलम ४०९, ४२०, ३४ अन्वये गुन्हा नोंदविण्यात आला आहे. अधिक तपास आर्थिक गुन्हे शाखेचे सहाय्यक पोलिस निरीक्षक पी. बी. पाटील करीत आहेत.