Tej Police Times
कर्तव्य पथावर मराठी पताका; लष्करी वैद्यकीय सेवा तुकडीचे उपनेतृत्व अंबा सामंत यांच्याकडे
मुंबई : प्रजासत्ताक दिनानिमित्त कर्तव्यपथावरील संचलनात यंदा अनेक महिला विविध ठिकाणी नेतृत्व करणार आहेत. त्यामध्ये लष्करातील वैद्यकीय सेवा तुकडीतील महिलांचे पथक प्रथमच सहभागी होत आहे. या संचालनाचे उपनेतृत्व मराठी असलेल्या कॅप्टन अंबा सामंत यांच्याकडे असेल.
कॅप्टन अंबा सामंत या लष्करातील दंतचिकित्सा विभागात (आर्मी डेंटल कॉर्प्स) कार्यरत आहेत. या संचलनात यंदा प्रथमच लष्करी वैद्यकीय सेवेची तुकडी सहभागी असेल. लष्करात नेत्रतज्ज्ञ असलेल्या कॅप्टन सृष्टी खुल्लर या तुकडीच्या प्रमुख असतील. त्यांच्या नेतृत्वात तिन्ही दलातील महिला अधिकारी या उपप्रमुख असतील. त्याचे प्रतिनिधित्व कॅप्टन सामंत करणार आहेत. यावेळी कॅप्टन सामंत या संपूर्ण तुकडीला डावीकडून दिशादर्शन करणार आहेत. याच तुकडीत नौदलाचे प्रतिनिधित्व सर्जन लेफ्टनंट कांचना व हवाई दलाचे नेतृत्व फ्लाइट लेफ्टनंट धिव्या प्रिया करणार आहेत.
कॅप्टन अंबा सामंत या लष्करातील दंतचिकित्सा विभागात (आर्मी डेंटल कॉर्प्स) कार्यरत आहेत. या संचलनात यंदा प्रथमच लष्करी वैद्यकीय सेवेची तुकडी सहभागी असेल. लष्करात नेत्रतज्ज्ञ असलेल्या कॅप्टन सृष्टी खुल्लर या तुकडीच्या प्रमुख असतील. त्यांच्या नेतृत्वात तिन्ही दलातील महिला अधिकारी या उपप्रमुख असतील. त्याचे प्रतिनिधित्व कॅप्टन सामंत करणार आहेत. यावेळी कॅप्टन सामंत या संपूर्ण तुकडीला डावीकडून दिशादर्शन करणार आहेत. याच तुकडीत नौदलाचे प्रतिनिधित्व सर्जन लेफ्टनंट कांचना व हवाई दलाचे नेतृत्व फ्लाइट लेफ्टनंट धिव्या प्रिया करणार आहेत.
याच संचलनात यंदा तिन्ही दलांमधील महिलांचे संयुक्त पथक सहभागी होणार आहे. त्याचे नेतृत्व लष्करी पोलिस दलातील कॅप्टन संध्या करणार आहे. त्यांच्यासह कॅप्टन (लष्कर) शरण्या राव, सब लेफ्टनंट (नौदल) अंशू यादव व फ्लाइट लेफ्टनंट (हवाई दल) सृष्टी राव या उपप्रमुख असतील. कर्तव्यपथावरील या संचलनात नौदलातील १४४ अग्निवीर महिला व पुरुष सहभागी असतील. त्या तुकडीचे नेतृत्वही नौदलातील महिला अधिकारी लेफ्टनंट प्रज्वल एम करतील. तर लेफ्टनंट मुदिता गोयल, लेफ्टनंट शर्वनी सुप्रिया व लेफ्टनंट देविका एच. या उपप्रमुख म्हणून नेतृत्व बजावतील. हवाई दलाच्या १४४ सैनिकांच्या तुकडीचे नेतृत्व चार महिला अधिकारी करणार आहेत. स्क्वाड्रन लीडर रश्मी ठाकूर या तुकडी प्रमुख असतील. तर स्क्वाड्रन लीडर सुमिता यादव, स्क्वाड्रन लीडर प्रतिती अहलुवालिया व फ्लाइट लेफ्टनंट किर्ती रोहिल या उपप्रमुख असतील.
नौदल चित्ररथात पश्चिम कमांड
नौदलाच्या चित्ररथात यंदा पश्चिम कमांडमधील युद्धनौकांचे प्रतिनिधित्व असेल. ‘आयएनएस विक्रांत’ या स्वदेशी बनावटीच्या विमानवाहू युद्धनौकेचा संपूर्ण युद्धताफ्याचे सादरीकरण त्या चित्ररथात असेल. त्याखेरीज आयएनएस दिल्ली, आयएनएस कोलकाता या विनाशिकांसह मुंबईत गृहतळ असलेल्या कलवरी श्रेणीतील पाणबुडी प्रतिकृतीचे सादरीकरण चित्ररथात असेल.