सदावर्तेंसाठी मनसेकडून डॉक्टरांची अपॉइंटमेंट आता राऊतांना भाजपकडून साखरेचे लाडू, नगरला हे काय चाललंय?

याबाबत जाधव म्हणाले, अयोध्येत प्रभू श्रीराम मूर्तीची प्राणप्रतिष्ठा होणार होती. यानिमित्ताने देशभर आनंदाचे वातावरण होते. खासदार विखे कुटुंबियांनी यानिमित्ताने जिल्ह्यात साखर आणि डाळ वाटून प्रसादाचा लाडू करण्याचा आस्थेवाईक उपक्रम केला. जिल्ह्यातील लाखो कुटुंब या उपक्रमात सहभागी झाले. प्रभू श्रीरामाच्या प्राणप्रतिष्ठेच्या दिवशी नगर जिल्ह्यात खासदार विखेंनी वाटलेल्या साखर-डाळीतून २१ लाख प्रसादाचे लाडू तयार झाले. खासदार राऊत यांना यात राजकारण दिसले. धार्मिक आस्था दिसली नाही. या टीकेतून त्यांची प्रकृती ढासळल्याचे दिसते. त्यामुळे त्यांच्या प्रकृती स्वास्थेसाठी देखील प्रभू श्रीरामचरणी प्रार्थना केली आहे. दरम्यान, भाजप पदाधिकारी खासदार राऊतांच्या टीकेवर अनोख्या पद्धतीने सटकल्याने तो चर्चेचा विषय झाला आहे.