बिल मंजूर करण्यासाठी लाच मागितली; मुख्याध्यापकांसह कार्यालय अधिक्षकांना एसीबीनं रंगेहात पकडलं

लाच रक्कम ही वरील दोघांनी पंचांसमक्ष स्वीकारल्याने त्यांना रंगेहात पकडण्यात आले असून त्यांचे विरुद्ध शिंदखेडा पोलीस स्टेशन जिल्हा धुळे येथे गुन्हा दाखल करण्यात आला आहे. यातील तक्रारदार यांच्या पत्नी महिला आदिवासी बचत गटाच्या सचिव आहेत. त्यांच्या बचत गटाने शासकीय प्राथमिक आश्रम शाळा म्हळसर, कॅम्प सुलवाडे तालुका शिंदखेडा जिल्हा धुळे येथे शालेय पोषण आहारासाठी भाजीपाला पुरवठा करण्याचे कंत्राट घेतले असून तक्रारदार हे त्यांच्या पत्नीस मदत करत असतात.

महिला बचत गटास आश्रम शाळेकडून भाजीपाला पुरवठ्याचे मागील ९ महिन्याचे देयक मंजूर करून दिले होते. त्याचा मोबदला म्हणून तसेच उर्वरित २ महिन्याचे पुढील देयक अदा करण्यास मदत करण्यासाठी आलोसे क्र १ व आलोसे क्र २ यांनी तक्रारदार यांच्याकडून २०,०००/- रुपये लाचेची मागणी करून तडजोडी अंती १२,०००/- रुपये लाच स्वीकारण्याचे मान्य केले. लाच रक्कम ही आलोसे क्र २ यांनी पंचांसमक्ष स्वीकारल्याने त्यांना रंगेहात पकडण्यात आले असून त्यांचे विरुद्ध शिंदखेडा पोलीस स्टेशन जिल्हा धुळे येथे गुन्हा दाखल करण्याचे काम सुरू आहे.