Tej Police Times
पुणे : पुणे जिल्हा म्हणजे बिबट्याचे आगर समजायला लागलं आहे. बिबट्याने आता शहराच्या आजूबाजूला वास्तव्य करण्यास सुरुवात केली आहे. अनेकदा बिबट्या भक्षाच्या शोधात घराच्या जवळपास आल्याचे आपल्याला पाहायला मिळते. मात्र, घराजवळ पाळीव कुत्रे असल्याने त्यांना शिकार करणे तसे अवघड होते. असाच एक प्रकार समोर आला आहे. एका पाळीव कुत्र्याने चक्क एका बिबट्याला घरापासून परातून लावले आहे. या घटनेचा व्हिडिओ सोशल मीडियावर चांगलाच व्हायरल झाला आहे.
मुळशी मधील कासारसाईमध्ये मध्यरात्री सव्वा बारा वाजण्याच्या सुमारास एका घराच्या अंगणात बिबट्याने शिरकाव केला. कासारसाई येथील रहिवासी असलेले शांताराम लेणे यांच्या घरात बिबट्या आला. मात्र, लेणे यांचा पाळीव कुत्रा भोलू अंगणात असल्याने त्याने बिबट्याला देखील हुसकावून लावले. त्यामुळे पाळीव कुत्र्याने बिबट्याला हुसकावून लावल्याची घटना पुन्हा एकदा समोर आली आहे.
या अगोदर जुन्नर येथील पाळीव कुत्र्याने देखील असं धाडस करून बिबट्याला पळवून लावले होते. मात्र, लेणे यांच्या पाळीव कुत्र्याने बिबट्याला हुसकावून लावल्याची संपूर्ण घटना सीसीटीव्ही मध्ये कैद झाली आहे. पाळीव कुत्र्याने स्वतःसह घरातील व्यक्तींचे देखील प्राण वाचवल्यामुळे मुळशीत या भोलू कुत्र्यांची चर्चा रंगू लागली आहे.
मुळशी मधील कासारसाईमध्ये मध्यरात्री सव्वा बारा वाजण्याच्या सुमारास एका घराच्या अंगणात बिबट्याने शिरकाव केला. कासारसाई येथील रहिवासी असलेले शांताराम लेणे यांच्या घरात बिबट्या आला. मात्र, लेणे यांचा पाळीव कुत्रा भोलू अंगणात असल्याने त्याने बिबट्याला देखील हुसकावून लावले. त्यामुळे पाळीव कुत्र्याने बिबट्याला हुसकावून लावल्याची घटना पुन्हा एकदा समोर आली आहे.
या अगोदर जुन्नर येथील पाळीव कुत्र्याने देखील असं धाडस करून बिबट्याला पळवून लावले होते. मात्र, लेणे यांच्या पाळीव कुत्र्याने बिबट्याला हुसकावून लावल्याची संपूर्ण घटना सीसीटीव्ही मध्ये कैद झाली आहे. पाळीव कुत्र्याने स्वतःसह घरातील व्यक्तींचे देखील प्राण वाचवल्यामुळे मुळशीत या भोलू कुत्र्यांची चर्चा रंगू लागली आहे.
या घटनेनं परिसरात बिबट्याचे वास्तव्य असल्याचं समोर आले आहे. त्यामुळे नागरिकांचा जीव टांगणीला लागला आहे. या परिसरात बिबट्याला पकडण्यासाठी पिंजरा लावावा, अशी मागणी नागरिकांकडून करण्यात येत आहे. या घटनेनं नागरिकांनी घरातून बाहेर पडणे काही प्रमाणात बंद केलं आहे. रात्रीचे दुचाकीवरून येणे जाणे देखील बंद केले आहे. एवढी दहशत या बिबट्याची परिसरात पसरू लागली आहे.
मी डाळ शेंगदाणे वाटणाऱ्यातला नाही, एकाची जिरवली आता दुसऱ्याची जिरवायची, निलेश लंके यांच्या टार्गेटवर विखे!