शरीर संबंधास नकार; महिलेच्या अंगावर पेट्रोल ओतून तिला पेटवून देण्याचा प्रयत्न

By tejpolicetimes On Feb 2, 2024

बारामती : शरीरसंबंधाला नकार देणाऱ्या महिलेच्या अंगावर पेट्रोल ओतून तिला पेटवून देण्याचा प्रकार बारामतीत घडला. या घटनेत संबंधित महिला गंभीर जखमी झाली. याप्रकरणी निवृत्ती शेडगे (रा. जळोची, बारामती) याच्या विरोधात शहर पोलिस ठाण्यात गुन्हा दाखल करण्यात आला आहे. एका महिलेने या प्रकरणी फिर्याद दिली.

गुरुवारी (दि. १) रोजी दुपारी दीडच्या सुमारास हा प्रकार घडला. पोलिसांनी शेडगे याच्या विरोधात जीवे मारण्याचा प्रयत्नासह विनयभंग व अन्य कलमांनुसार गुन्हा दाखल केला. ही महिला येथे भाडोत्री घरामध्ये राहते. तिने एका पतसंस्थेकडून काही रक्कम काढून आणली होती. ती कपाटामध्ये ठेवत असताना शेडगे हा तेथे आला. त्याने हातात पेट्रोलची बाटली आणली होती. तु माझ्याबरोबर शरीर संबंध ठेवणार का, अशी विचारणा त्याने केली.

महिलेने त्याला तुझ्याशी कसलेही संबंध ठेवायचे नाहीत, तु घराबाहेर जा असे सांगितले. त्यावर चिडून जावून त्याने हातातील बाटलीतील पेट्रोल फिर्यादीच्या मागील बाजूने टाकले. काडी पेटीने काडी ओढत तिला पेटवून दिले. या घटनेत महिलेच्या साडीने पेट घेतला. त्यानंतर तो तेथून पळून गेला. त्याच स्थितीत ही महिला घरातून बाहेर ओरडत आली. शेजारील लोकांनी आग विझवत तिच्या नातेवाईकांना माहिती दिली. त्यांनी तिला रुग्णालयात उपचारासाठी दाखल केले. या घटनेत ती जखमी झाली असून आगीमुळे घरातील साहित्यही जळाले.

दीपक पडकर यांच्याविषयी

महत्वाचे लेख

पुणे लोकसभेसाठी मनसेचे पाच शिलेदार शर्यतीत, राज ठाकरेंकडे लेकाने सोपवली यादी, दावेदार कोण?
शरद मोहोळला संपवलं, आता माझ्याही जीवाला धोका, पत्नी स्वाती यांचा गंभीर आरोप, दोन नावं सांगितली
Sharad Mohol Murder: ‘आम्ही गणेश मारणेची पोरे आहोत,’ मास्टरमाइंड गणेश मारणेबाबत मोठी अपडेट
Weather: पुण्यात पुढील दोन दिवस हुडहुडी वाढणार! महाबळेश्वरपेक्षा पुणे गार, शहरात वातावरण कसं असेल?
सर्वेक्षणाला मुदतवाढ द्या; राज्यातील पुणे, सोलापूरसह काही जिल्ह्यांची सरकारकडे मागणी
‘तुला मस्ती आली का?’, जुन्या वादाचा राग, रस्त्यात अडवून चौघांचा विद्यार्थ्यावर चाकूने हल्ला; पुण्यात खळबळ