तुमच्या फोनमध्ये धोकादायक व्हायरस तर नाही ना? अँटी व्हायरसविना असं करा चेक

स्मार्टफोनमध्ये मालवेयर किंवा व्हायरसमुळे खूप मोठे नुकसान होऊ शकते. अलीकडेच बातमी आली होती की अँड्रॉइडनंतर आता आयओएस डिवाइसमध्ये देखील एका व्हायरसनं धुमाकूळ घातला आहे. त्यामुळे अश्यावेळी तुमच्या स्मार्टफोनचा बचाव करणं अत्यंत आवश्यक ठरतं. हल्ली स्मार्टफोन आपल्या आयुष्याचा अविभाज्य भाग बनला आहे आणि यात युजर्सची बरीचशी संवेदनशील माहिती साठवलेली असते. असा फोन जर व्हायरसनं इन्फेक्टेड झाला तर तुम्ही स्मार्टफोन मध्ये होणाऱ्या काही बदलांच्या आधारावर त्याची खात्री करून घेऊ शकता. पुढील संकेतांच्या आधारावर तुम्ही जाणून घेऊ शकता की फोनमध्ये एखादा धोकादायक मालवेयर किंवा व्हायरस आहे की नाही.

बॅटरी वेगानं संपणे

तुमच्या फोनमध्ये एखादा मालवेयर आहे की नाही हे जाणून घेण्याची सर्वात सोपी पद्धत म्हणजे त्याची बॅटरी किती फास्ट संपते. जर तुमच्या डिवाइसची बॅटरी अचानक वेगानं संपू लागली आणि बॅटरी लाइफ मध्ये फरक दिसू लागत तर त्यामागे बॅकग्राउंड मध्ये रन होत असलेला एखादा मालवेयर किंवा व्हायरस कारणीभूत असू शकतो.

फोनमध्ये एखादं नवीन अ‍ॅप दिसणे

डिव्हाइसमध्ये एखादं असं अ‍ॅप दिसलं जे तुम्ही इंस्टॉलच केलं नसेल तर ते एखादं मलिशियस अ‍ॅप असू शकतं. परंतु लक्षात असू द्या काही सिस्टम अ‍ॅप्स देखील असतात जे कंपनी कडून प्री-इंस्टॉल्ड मिळतात. तरीही एखादा संशयास्पद अ‍ॅप दिसल्यास तो दिखे मलिशियस असण्याची शक्यता जास्त आहे.

बराच मोबाइल डेटा वापरला जाणे

स्मार्टफोन द्वारे बेहिशोबी डेटा इंटरनेट कनेक्टिव्हिटी दरम्यान वापरला जात असेल तर समजून जा की तुम्हाला सावध झालं पाहिजे. जर मालवेयरच्या माध्यमातून तुमच्या फोनचा डेटा चोरी केला जात असेल किंवा तुमच्यावर पाळत ठेवली जात असेल तर ती सर्व माहिती हॅकर पर्यंत पोहचवण्यासाठी इंटरनेट डेटा वापरला जातो.

अचानक स्लो परफॉर्मन्स

फोनमध्ये अनेक हेव्ही अ‍ॅप्स वापरताना त्याची परफॉर्मन्स स्लो होऊ शकते. परंतु जर तुम्ही एखादा हाई-परफॉर्मन्स अ‍ॅप डाउनलोड केलाच नसेल आणि तरीही फोन हँग होत असेल तर त्याचे कारण मालवेयर असू शकतो.

आपोआप सेटिंग्स मध्ये बदल

कधी अचानक फोनची सेटिंग आपोआप बदलत असेल किंवा एखादी अशी अ‍ॅक्टिव्हिटी जी तुम्ही केली नसेल तर वेळीच सावध व्हा. मालवेयरच्या मदतीनं एखादा अटॅकर तुमच्या फोनच्या सेटिंग्समध्ये बदल आणि डिवाइसशी छेडछाड करू शकतो.

फोन जास्त गरम होणे

जर तुमचा फोन वारंवार गरम होत असेल आणि यावर उपाय करून थकला असाल तर याचा अर्थ असा की बॅकग्राउंड मध्ये प्रोसेस सुरु आहे. याचे कारण अनावश्यक मलिशियस अ‍ॅप असू शकतो.

अ‍ॅप्स मागत आहेत अनावश्यक परवानग्या

अ‍ॅप्स तुमच्याकडे अश्या परवानग्या मागत आहे, ज्यांची त्यांना गरज नाही तर काही गडबड आहे हे समजून जा. उदाहरणार्थ एखादा फ्लॅशलाइट अ‍ॅप इंस्टॉल केला त्याला कॅमेरा किंवा डेटा संबंधित परवानग्या आवश्यक नाहीत. अश्या पर्मिंशन्स विचार करून द्या.