पेटीएमवरून कसे हटवाल तुमचे डिटेल्स? आधार आणि इतर महत्वाचे डिटेल्स येतील आता काढता

पेटीएम पेमेंट बँकेवर आरबीआयच्या कारवाईनंतर अनेकांच्या मनात पेटीएमबाबत संभ्रम निर्माण झाला आहे. पेटीएम हे भारतातील सर्वाधिक वापरले जाणारे ॲप आहे. या प्लॅटफॉर्मवर तुम्हाला सर्व सेवा मिळतात, मात्र पेटीएम पेमेंट बँकेवर कारवाई केल्यानंतर युजर्सचा पेटीएमवरील विश्वास कमी होताना दिसत आहे. अशा परिस्थितीत पेटीएममधून आपला डेटा काढून टाकावा लागेल का, जर आपले सर्व डिटेल्स पेटीएममधून काढून टाकायचे असतील तर त्यासाठी काय करावे लागेल असे प्रश्न आता युजर्सना पडले आहेत. तेंव्हा युजर्सच्या याच शंकांच निरसन करण्यासाठी याबद्दल अधिक माहिती देत आहोत.

तुम्हाला तुमचे सर्व डिटेल्स पेटीएमवरून हटवायचे आहेत का? यासाठी तुम्हाला काही स्टेप्स फॉलो कराव्या लागतील. तुम्ही तुमचे वैयक्तिक तपशील आणि KYC (Know your customer ) माहिती रिमूव्ह करण्याची विनंती देखील करू शकता. याबद्दल अधिक माहिती घेऊया.

पेटीएममधून तुम्ही कुठले डिटेल्स रिमूव्ह करू शकता

तुम्ही तुमचे पेटीएम खाते डिलीट करू शकता. याशिवाय, तुम्हाला हवे असल्यास, तुम्ही तुमचे केवायसी डिटेल्स डिलीट करू शकता. मात्र,कंपनीने ‘transaction history’ डिलीट करण्याच्या पद्धतींबाबत कोणतीही माहिती दिलेली नाही.

कसे डिलीट कराल खाते

• पेटीएम वॉलेट खाते डिलीट करण्यासाठी तुम्हाला काही स्टेप्स फॉलो कराव्या लागतील.
• सर्वप्रथम तुम्हाला पेटीएम खात्यात लॉग इन करावे लागेल.
• यानंतर तुम्हाला ‘हॅम्बर्गर’ मेनूवर जावे लागेल, जे वरच्या डाव्या कोपऱ्यात आहे.
• येथे तुम्हाला 24×7 हेल्पचा पर्याय मिळेल.यात तुम्हाला Profile Setting वर क्लिक करावे लागेल.
• तुम्हाला हा पर्याय सापडत नसेल, तर तुम्हाला more products and service क्लिक करावे लागेल.
• यानंतर तुम्हाला I need to close/delete my account या पर्यायावर जावे लागेल.
• यानंतर तुम्हाला पेटीएम खाते बंद करण्याचे कारण द्यावे लागेल. येथे तुम्ही I do not use this Paytm खाते वर क्लिक करू शकता.
• यानंतर तुम्हाला Message Us वर टॅप करावे लागेल.
• यानंतर कंपनी तुम्हाला रिव्ह्यूसाठी कॉल करेल.
• कॉल केल्यानंतर, ते तुम्हाला मेसेजमध्ये एक लिंक पाठवतील, ज्यावर क्लिक करून तुम्ही खाते बंद करू शकता.

केवायसी डिटेल्स कसे रिमूव्ह करायचे

तुम्ही तुमचे KYC डिटेल्स तुमच्या पेटीएम खात्यातून रिमूव्ह करू शकता. हे करण्यासाठी तुम्हाला पेटीएमच्या कस्टमर सर्व्हिसशी ईमेलद्वारे संपर्क साधावा लागेल. तुम्ही पेटीएमच्या कस्टमर केअर नंबरवर देखील कॉल करू शकता. तुम्हाला त्यांना मेल किंवा कॉल करावा लागेल आणि तुम्ही सबमिट केलेली केवायसी कागदपत्रे त्यांना रिमूव्ह करण्यास सांगा.

तुमच्या डीटेल्सचे व्हेरिफिकेशन केल्यानंतर ते तुमचे दस्तऐवज हटवतील. हि सर्व प्रक्रिया करतांना तुम्ही कोणत्याही अज्ञात लिंकवर क्लिक करत नाही
आहात ना याची काळजी घ्या. बऱ्याचदा केवायसी किंवा खाते रिमूव्ह करण्याच्या नादात लोक स्कॅमला बळी पडतात.