आठ दिवसांपासून महिलेचा फोन बंद, बहिणीला संशय आला, पोलिसांत धाव, नंतर जे घडलं त्यानं…

अलवर : इमारतीच्या दहाव्या मजल्यावरील फ्लॅटमध्ये २५ वर्षीय महिला आणि तिच्या चार वर्षांच्या मुलीचे मृतदेह आढळल्याने खळबळ उडाली आहे. मृतदेह आठ दिवसांपूर्वीचा असल्याचं सांगण्यात येत आहे. पोलिसांनी घटनास्थळ गाठून फ्लॅटच्या बाथरूममधून दोघींचेही मृतदेह बाहेर काढून शासकीय रुग्णालयाच्या शवागारात ठेवले. मृत महिलेचा पती सध्या फरार असल्याची माहिती आहे. ही महिला त्याच परिसरातील एका खासगी शाळेत शिक्षिका असून मृत महिलेचा पती एका खासगी कंपनीत काम करतो.

राजस्थानमधील खैरथल जिल्ह्यात ही घटना समोर आली आहे. तिजाराचे डीएसपी शिवराज सिंह यांनी सांगितलं की, बिहारमधील सिवान येथील रहिवासी २५ वर्षीय आकांक्षा उर्फ ऋतू तिचा पती निशांत पांडे आणि चार वर्षांची मुलगी नव्या पांडेसोबत टपूकडा येथील त्रिहान सोसायटीच्या दहाव्या मजल्यावर राहत होते. मृत आकांक्षा ही एका खाजगी शाळेत शिक्षिका होती. गेल्या आठ दिवसांपासून ती घराबाहेर पडली नव्हती आणि तिच्या घरच्यांशीही बोलू शकली नव्हती. बुधवारी सायंकाळी सहाच्या सुमारास मृत महिलेची मोठी बहीण तिच्या फ्लॅटवर आली असता तिला फ्लॅट बंद असल्याचा दिसला.
जोडप्याचं दोन महिन्यापूर्वी लग्न, मध्यरात्री शेतात गेले अन्…, सुखी संसाराचा भयावह अंत, नेमकं काय घडलं?
फ्लॅट बंद दिसल्याने मृत आकांक्षाच्या बहिणीने तिच्या नंबरवर फोन केला असता कॉल उचलला नाही. फोनदेखील उचलला नसल्याने तिच्या बहिणीला संशय आल्याने तिने तात्काळ टपूकडा पोलिसांना माहिती दिली. पोलीस ठाण्याचे अधिकारी भगवान सहाय यांनी घटनास्थळ गाठून फ्लॅटचा दरवाजा तोडून दरवाजा उघडला.
अनैतिक संबंधांना अडथळा ठरणाऱ्याला गाडीखाली चिरडले; एकतर्फी प्रेमाचा धक्कादायक शेवट
पोलिसांनी फ्लॅटमध्ये जाऊन पाहिलं असता फ्लॅटच्या बाथरूममध्ये आकांक्षा आणि तिची चार वर्षांची मुलगी नव्या या दोघींचे कुजलेल्या अवस्थेतील मृतदेह पडलेले दिसले. हे पाहून मृताच्या बहिणीसह पोलिसांनाही धक्का बसला. फ्लॅटमध्ये सर्वत्र दुर्गंधी पसरली होती. मृतदेहावर माशा फिरत होत्या. पोलिसांनी तात्काळ मृतदेह ताब्यात घेऊन रुग्णालयाच्या शवागारात ठेवला.

सध्या पोलीस मृत आकांशाच्या पतीचा निशांत पांडेचा शोध घेत असून मृताच्या कुटुंबीयांना याबाबत माहिती देण्यात आली आहे. गुरुवारी कुटुंबीय आल्यानंतरच मृतदेहाचे शवविच्छेदन करण्यात येणार आहे.