गर्लफ्रेंडचा बर्गर खाल्ल्याचा राग, प्रियकराचं मित्रासोबत धक्कादायक कृत्य, रक्तरंजित शेवटाने परिसरात खळबळ

कराची : बर्गर खाल्यामुळे एका व्यक्तीची हत्या केल्याची घटना समोर आली आहे. आपल्या गर्लफ्रेंडसाठी एका तरुणाने बर्गर ऑर्डर केला होता. त्यावेळी तिथे तरुणाचा मित्रही उपस्थित होता. तरुणाच्या गर्लफ्रेंडचा अर्धा बर्गर त्याच्या मित्राने खाल्ला. यावरुनच दोघांमध्ये वाद झाला आणि तरुणाने आपल्या मित्राची हत्या केली.

पाकिस्तानातील कराचीमध्ये ही घटना घडली. पोलीस याप्रकरणी अधिक तपास करत आहेत. रिपोर्टनुसार, हत्या झालेल्या अली केरियोने आरोपीच्या गर्लफ्रेंडचा अर्धा बर्गर खाल्ला होता. गर्लफ्रेंडचा बर्गर खाल्ल्याचा राग आला आणि सेवानिवृत्त वरिष्ठ पोलीस अधिक्षकांच्या मुलाने आरोपी डॅनियलने अली केरियोची गोळ्या झाडून हत्या केली. ज्याची हत्या करण्यात आली, तो सत्र न्यायाधीशाचा मुलगा होता.
८ दिवसांपासून घर बंद, फ्लॅटमधून दुर्गंधी; पोलिसांनी दरवाजा उघडताच सगळ्यांना धक्का, काय घडलं?
डॅनियलने त्याची गर्लफ्रेंड शाझियाला आपल्या घरी बोलावलं होतं. त्यावेळी त्याचा मित्र अली केरियो आणि त्याचा भाऊ अहमेर देखील तिथे उपस्थित होता. आरोपीने दोन बर्गर मागवले होते. यादरम्यान मृत्यू झालेल्या केरियोने शाजियाच्या बर्गरमधून एक घास खाल्ला. केरिओच्या या कृतीमुळे डॅनियल संतापला. त्याचा राग इतका अनावर झाला, की त्याने आपल्या गार्डच्या रायफलने केरिओवर गोळीबार केला. केरियोवर तातडीने रुग्णालयात दाखल करण्यात आलं, मात्र, त्याचा रुग्णालयात उपचारादरम्यान मृत्यू झाला.
चित्रकलेचा पेपर असल्याचं सांगून चिमुकल्यांनी धरण गाठलं, गावकऱ्यांच्या ओरडण्याकडे दुर्लक्ष, पाण्यात उडी मारली अन्…

तपास अधिकाऱ्यांनी या प्रकरणाचा तपास पूर्ण करून अहवाल वरिष्ठांना सादर केला आहे. अहवालात पोलीस अधिकाऱ्याच्या मुलाचे नाव आरोपी म्हणून होते. आरोपीला पकडण्यात आले आहे. त्याला अद्याप न्यायालयासमोर हजर करण्यात आलेले नाही. दरम्यान, आपल्या मित्रालाच इतक्या लहानशा कारणावरुन मारल्याने परिसरात एकच हळबळ माजली आहे.