प्रवासात फोन चार्ज करणे टाळा; होऊ शकता ज्यूस जॅकिंगचे शिकार

प्रवास करताना लोकांना त्यांचा फोन चार्ज करावा लागत असल्याने हॅकर्स याचा फायदा घेतात. युजर त्याचा फोन चार्जिंगसाठी या इन्फेक्टेड पोर्टमध्ये प्लग करताच.हॅकर्स त्याच्या फोनमध्ये मालवेअर इन्स्टॉल करतात. हा मालवेअर युजर्सच्या फोनमधील सर्व प्रकारची माहिती चोरू शकतो. अशा प्रकारे तुम्ही ज्यूस जॅकिंगचे बळी होऊ शकता.

कसे इंस्टॉल करतात मालवेअर

सर्वात पहिले हे समजून घ्यावे लागेल कि कोणीही तुमच्या फोनमध्ये मालवेअर कसे इंस्टॉल करते. तुमच्या लक्षात आले असेल की, फोनची चार्जिंग केबल देखील डेटा ट्रान्सफरसाठी वापरली जाते. याचा वापर करून, स्कॅमर तुमच्या फोनमध्ये मालवेअर इन्स्टॉल करू शकतात. तुम्ही तुमचा फोन चार्जिंगसाठी लॅपटॉपशी कनेक्ट करताच, तुमच्या फोनवर एक पॉप-अप दिसेल. यामध्ये तुम्हाला ही केबल कशी वापरायची आहे असे विचारले जाते. बरेच लोक या सूचनेकडे लक्ष देत नाहीत. यासाठी, एक वेगळ्या प्रकारचे उत्पादन बाजारात येते, जे या हॅकर्सपासून आपले संरक्षण करू शकते.

प्रायव्हसी केबल म्हणजे काय?

प्रायव्हसी केबल एक अशी केबल आहे कि या केबलच्या मदतीने तुमचा फोन फक्त चार्ज होईल, या केबलच्या आधारे तुमच्या फोनवर कोणीही काहीही ट्रान्सफर करू शकत नाही. यासाठी चार्जिंग केबलवर एक बटण देण्यात आले आहे. तुम्ही हे बटण चालू केल्यास, डेटा ब्लॉक केला जाईल.अशा प्रकारे तुम्ही तुमचा फोन सुरक्षित ठेवू शकता. यात एलईडी आहे, जो तुम्हाला डेटा ट्रान्सफर होत असल्याचे सांगतो. या फीचरच्या मदतीने तुम्हाला तुमच्या डेटावर नियंत्रण मिळेल. तुम्ही अशा केबल्स ऑनलाइन खरेदी करू शकता.

एसएमएस पाठवूनही हॅकर्स करतात यूजर्सचे लोकेशन ट्रॅक

संशोधकांनी म्हटले आहे की, हॅकर्स एसएमएस पाठवून यूजर्सचे लोकेशन ट्रॅक करू शकतात. वास्तविक, अमेरिकन संशोधकांनी माहिती दिली आहे की हॅकर्स एक छोटी युक्ती वापरून युजर्सचा डेटा ऍक्सेस करू शकतात. अहवालात असे म्हटले आहे की, युजर्सच्या डिव्हाईसेसमधून इतर तपशील देखील चोरले जाऊ शकतात. भारतासह जगभरातील देशांमध्ये ऑनलाइन घोटाळ्याची प्रकरणे वेगाने समोर येत आहेत. दरम्यान, संशोधकाने एक नवीन खुलासा केला आहे, ज्यामध्ये त्यांनी दावा केला आहे की Android युजर्सच्या प्रायव्हसीला मोठा धोका आहे.
संशोधकाने म्हटले आहे की, हॅकर्स एसएमएस पाठवून यूजर्सचे लोकेशन ट्रॅक करू शकतात.
मीडिया रिपोर्ट्सनुसार, हॅकर्स फक्त फोन नंबर आणि सामान्य नेटवर्क ऍक्सेस करून फोन नंबरचे लोकेशन ट्रॅक करू शकतात. अनेक मेसेज पाठवून युजरच्या फिंगरप्रिंटसह अनेक डेटा गोळा केला जाऊ शकतो. अँड्रॉइड स्मार्टफोन युजर्सना सर्वाधिक धोका असल्याचे संशोधकाने म्हटले आहे.
अशावेळी सुरक्षिततेसाठी स्मार्टफोन युजर्स पारंपारिक मेसेजऐवजी एन्क्रिप्टेड मेसेज ॲप्स वापरू शकतात. त्यात व्हॉट्सॲपसह अनेक ॲप्सच्या नावांचा समावेश आहे. स्मार्टफोनची ऑपरेटिंग सिस्टीम अपडेटेड ठेवा. SMS deliver नोटिफिकेशन बंद करा. हॅकर्सने एसएमएस पाठवल्यास त्यांना Read Rceipts मिळणार नाहीत आणि ते युजर्सच्या डेटामध्ये प्रवेश करू शकणार नाहीत.