Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
ASUS ने भारतीय बाजारात नवीन ASUS ROG Strix G16 (2024) आणि ASUS TUF गेमिंग A15 (2024) हे दोन लॅपटॉप लाँच केले आहेत. कंपनीने हे लॅपटॉप ॲडव्हान्स कूलिंग सिस्टमसह सादर केले आहेत. या लॅपटॉपचे अनेक मॉडेल्स बाजारात उपलब्ध असतील. हे लॅपटॉप्स अधिकृत वेबसाइट तसेच फ्लिपकार्ट आणि ॲमेझॉन या लोकप्रिय ई-कॉमर्स वेबसाइटवर खरेदी करता येणार आहेत. लॅपटॉपमध्ये पावरफुल प्रोसेसर आणि लाँग लास्टींग बॅटरी लाइफ देण्यात आली आहे. या लॅपटॉप्सची किंमत आणि फिचर्स जाणून घ्या
ASUS ROG Strix G16 (2024) आणि TUF गेमिंग A15 (2024) किंमत
ASUS ROG Strix G16 (2024) लॅपटॉप भारतात 1,99,990 रुपयांच्या सुरुवातीच्या किंमतीत लॉन्च करण्यात आला आहे. तसेच, ASUS TUF गेमिंग A15 (2024) लॅपटॉप 1,24,990 रुपयांच्या सुरुवातीच्या किंमतीत लॉन्च करण्यात आला आहे.
आजपासून फ्लिपकार्ट, ॲमेझॉन आणि ASUS ई-शॉपवर या लॅपटॉपची विक्री सुरू झाली आहे. याशिवाय, लॅपटॉप ASUS/ROG स्टोअर्स, क्रोमा, विजय सेल्सवर देखील विक्रीसाठी उपलब्ध असतील.
लॅपटॉपचे खास फिचर्स
फिचर्सबद्दल बोलायचे झाल्यास, ROG Strix G16 लॅपटॉप ROG इंटेलिजेंट कूलिंग इकोसिस्टमसह येतो. याशिवाय त्यात अत्याधुनिक कूलिंग सिस्टिमही देण्यात आली आहे. हे NVIDIA Advanced Optimus किंवा AMD डायनॅमिक स्विचेबल ग्राफिक्स सपोर्टसह येते.
ROG Strix G16 लॅपटॉपमध्ये 16-इंचाचा IPSQHD+ डिस्प्ले आहे. त्याचे पिक्सेल रिझोल्यूशन 2500×1600 आहे, आस्पेक्ट रेशो 16:10 आहे. यात इंटेल कोअर i9 प्रोसेसर आहे.
ASUS TUF गेमिंग A15 (2024) मध्ये 15.6-इंचाचा IPS फुल HD+ डिस्प्ले आहे. याचे पिक्सेल रिझोल्यूशन 1920×1080, स्क्रीन ते बॉडी रेशो 80 टक्के, पीक ब्राइटनेस 250 निट्स आणि रिफ्रेश रेट 144Hz आहे. यात AMD Ryzen 9 8945H प्रोसेसर आहे. ASUS च्या या दोन्ही लॅपटॉपमध्ये Windows 11 उपलब्ध आहे. व्हिडिओ कॉन्फरन्सिंगसाठी यात 720p HD कॅमेरा आहे. लॅपटॉप 16GB रॅम आणि 1TB स्टोरेजने सुसज्ज आहेत. दोन्ही लॅपटॉपमध्ये 90Wh बॅटरी आहे. यात Wi-Fi 6E, Bluetooth 5.2 आहे. याव्यतिरिक्त, डिव्हाइसेसमध्ये अंगभूत मायक्रोफोन आणि एआय नॉइझ कॅन्सलेशन सारखे फिचर देखील बघायला मिळत आहेत.
या लॅपटॉपमध्ये 3.5mm कॉम्बो ऑडिओ जॅक, HDMI 2.1 FRL, 2x USB 3.2 Gen 1 Type-A, 1x USB 3.2 Gen 2 Type-C, 1x RJ45 LAN पोर्ट, 1x Thunderbolt Type C USB 4 (डिस्प्लेपोर्ट) आहे.